ഗ്രീക്ക് സിനിമാ സംവിധായകനായ തിയോ ആഞ്ചലോ പൌലോ(76) അന്തരിച്ചു. വാഹനാപകടത്തിലായിരുന്നു അദ്ദേഹത്തിന്റെ അന്ത്യം സംഭവിച്ചത്.
ഏറ്റവും പുതിയ ചിത്രവുമായി ബന്ധപ്പെട്ട പ്രവര്‍ത്തനങ്ങള്‍ക്കിടേയുണ്ടായ വാഹനാപകടത്തിലാണ് അദ്ദേഹത്തിന്റെ ജീവന്‍ പൊലിഞ്ഞത്. തലയ്ക്ക് ഗുരുതരമായി പരുക്കേറ്റ ആഞ്ചലോ പൌലോയെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.
സംവിധായകന്, തിരക്കഥാകൃത്ത്, നിര്‍മ്മാതാവ് എന്നീ നിലകളില്‍ പ്രശസ്തനാണ് ആഞ്ചലോ പൌലോ. നിരവധി പുരസ്കാരങ്ങള്‍ നേടിയിട്ടുണ്ട്. റീകണ്‍‌സ്ട്രക്ഷന്‍, ഡെയ്സ് ഓഫ് ‘36, ദി ട്രാവലിംഗ് പ്ലെയര്‍, ദി ഹണ്ടര്‍, ദി വീപ്പിംഗ് മെഡോ, ദി ഡസ്റ്റ് ഓഫ് ടൈം, ലാന്റ്സ്കേപ്പ് ഇന്‍ ദി മിസ്റ്റ് തുടങ്ങിയവയാണ് പ്രധാന ചിത്രങ്ങള്‍.
ബെര്‍ലിന്‍ ഫിലിം ഫെസ്റ്റിവല്‍ അവാര്‍ഡ്, കാന്‍ ഇന്റര്‍നാഷണല്‍ ഫിലിം ക്രിറ്റിക്സ് അവാര്‍ഡ് തുടങ്ങി നിരവധി അവാര്‍ഡുകള്‍ നേടിയിട്ടുണ്ട്.
