വാഷിംഗ്‌ടണ്‍|
Last Modified ചൊവ്വ, 10 ജനുവരി 2017 (15:27 IST)
നിയുക്ത അമേരിക്കന്‍ പ്രസിഡന്റ് ഡൊണള്‍ഡ് ട്രംപ് തന്റെ മരുമകനെ ഉപദേശകനായി നിയമിക്കുമെന്ന് റിപ്പോര്‍ട്ട്. മകള്‍ ഇവാങ്കയുടെ ഭര്‍ത്താവ് ജാരേദ് കുഷ്നറെയാണ് ട്രംപ് വൈറ്റ്ഹൗസിലെ മുഖ്യ ഉപദേശകനാക്കുന്നത്. എന്നാല്‍ ഈ നിയമനത്തില്‍ ഡമോക്രാറ്റിക് പാര്‍ട്ടിക്കുള്ളില്‍ കടുത്ത അതൃപ്തിയുണ്ട്.
റിയല്‍ എസ്റ്റേറ്റ് ബിസിനസുകാരനാണ് 35കാരനായ ജാരേദ് കുഷ്നര്. തെരഞ്ഞെടുപ്പ് സമയത്ത് ട്രം‌പിന്‍റെ പ്രചരണത്തിന്‍റെ ചുക്കാന്‍ പിടിച്ചത് കുഷ്‌നറായിരുന്നു. കുഷ്നറിന്‍റെ പ്രവര്‍ത്തനമാണ് തന്നെ വിജയത്തിലേക്കെത്തിച്ചതെന്ന് ട്രംപ് വിശ്വസിക്കുന്നതാണ് പുതിയ നിയമനത്തിന് കാരണമായി വിലയിരുത്തപ്പെടുന്നത്.
