ആറന്മുളക്കണ്ണാടിക്ക് അഞ്ഞൂറ് വര്‍ഷത്തെ പാരമ്പര്യമാണ് അവകാശപ്പെടാനുള്ളത്. എന്നാല്‍, രണ്ടായിരത്തിലധികം വര്‍ഷത്തിനു മുമ്പും ഭാരതത്തില്‍ ഇത്തരം കണ്ണാടികള്‍ പ്രചാരത്തിലുണ്ടായിരുന്നുവത്രേ. ഹാരപ്പ ഉല്‍ഖനന പ്രദേശത്തു നിന്ന് ലോഹക്കണ്ണാടികളുടെ അവശിഷ്ടങ്ങള്‍ ലഭിച്ചിട്ടുണ്ട്. ഖജുരാഹോ ഗുഹാചിത്രങ്ങളിലൊന്നില്‍ ലോഹക്കണ്ണാടി നോക്കി പൊട്ടുകുത്തുന്ന ഒരു സുന്ദരിയുടെ ശില്‍പ്പവും ഇതിന്റെ പഴമയെ കുറിച്ച് പറയുന്നു.
