അനുബന്ധ വാര്ത്തകള്
- വെളുത്തുള്ളിയുടെ ആരോഗ്യ ഗുണങ്ങളെന്തൊക്കെ?
- ഒന്നാം ലോക മഹായുദ്ധക്കാലത്ത് വെളുത്തുള്ളിയെ ആന്റിസെപ്റ്റിക്കായി ഉപയോഗിച്ചിരുന്നു; ഇപ്പോള് ഉപയോഗിക്കുന്നത് രക്തസമ്മര്ദ്ദം കുറയ്ക്കാന്
- വെളുത്തുള്ളിയും ഉരുളക്കിഴങ്ങും റഫ്രിജറേറ്ററില് സൂക്ഷിക്കരുത്, അപകടകരം!
- വെളുത്തുള്ളി തൊലി കളയാൻ ഇനി ഒരുപാട് ബുദ്ധിമുട്ടേണ്ട, സമയം ലാഭിക്കുന്ന എളുപ്പ മാർഗങ്ങൾ!
- ഉള്ളിക്കും വെളുത്തുള്ളിക്കും വിലക്ക്, നോ ഫോൺ പോളിസി; മെറ്റ് ഗാലയിലെ 'വിചിത്ര നിയമങ്ങൾ'
ഈ മൂന്ന് പച്ചക്കറികള് റഫ്രിജറേറ്ററില് സൂക്ഷിക്കുന്നത് അപകടകരമാണ്!
കാരണം അത് എളുപ്പത്തില് പൂപ്പല് പിടിക്കും, ഇത് കാന്സറിന് പോലും കാരണമാകും.
നമ്മള് പലപ്പോഴും പച്ചക്കറികളെല്ലാം രണ്ടാമതൊന്ന് ആലോചിക്കാതെ റഫ്രിജറേറ്ററില് വയ്ക്കാറുണ്ട്. പക്ഷേ അവയില് ചിലത് തണുപ്പിച്ച് സൂക്ഷിക്കുമ്പോള് അവയുടെ രുചി, ഘടന, പോഷകങ്ങള് എന്നിവയില് മാറ്റമുണ്ടാകാറുണ്ട്. അത്തരത്തില് മാറ്റങ്ങള് ഉണ്ടാകുകയും ആരോഗ്യത്തിന് ഹാനികരമായി മാറുകയും ചെയ്യുന്ന മൂന്ന് പച്ചക്കറികളാണ് വെളുത്തുള്ളി, ഉരുളക്കിഴങ്ങ്, ഉള്ളി എന്നിവ. തൊലികളഞ്ഞതോ റഫ്രിജറേറ്ററില് സൂക്ഷിച്ചതോ ആയ വെളുത്തുള്ളി ഒരിക്കലും വാങ്ങരുത്, കാരണം അത് എളുപ്പത്തില് പൂപ്പല് പിടിക്കും, ഇത് കാന്സറിന് പോലും കാരണമാകും.
എല്ലായ്പ്പോഴും ഫ്രഷ് ആയ വെളുത്തുള്ളി വാങ്ങുക, ഉപയോഗിക്കുന്നതിന് തൊട്ടുമുമ്പ് മാത്രമേ തൊലി കളയാന് പാടുള്ളൂ. വെളുത്തുള്ളി മുറിയിലെ താപനിലയില് നന്നായി വായുസഞ്ചാരമുള്ള സ്ഥലത്ത് സൂക്ഷിക്കുന്നതാണ് നല്ലത്. ഫ്രിഡ്ജില് വയ്ക്കുന്നത് അത് വേഗത്തില് മുളയ്ക്കാന് കാരണമാകും. ഉരുളക്കിഴങ്ങ് തണുത്ത താപനിലയില് (8ത്ഥഇല് താഴെ) സൂക്ഷിക്കുന്നതിലൂടെ അതില് അടങ്ങിയിട്ടുള്ള അന്നജം പഞ്ചസാരയായി മാറുന്നു. നിങ്ങള് ഈഉരുളക്കിഴങ്ങ് വറുക്കുകയോ ചുട്ടെടുക്കുകയോ ചെയ്യുമ്പോള്, അവ കാന്സറുമായി ബന്ധപ്പെട്ട ദോഷകരമായ സംയുക്തമായ അക്രിലാമൈഡ് പുറത്തുവിടുന്നു.
ഉയര്ന്ന ചൂടില് പാചകം ചെയ്യുമ്പോള് ആ അധിക പഞ്ചസാര ആസ്പരാഗിന് എന്ന അമിനോ ആസിഡുമായി കലരുമ്പോഴാണ് ഈ സംയുക്തം ഉണ്ടാകുന്നത്. ഉരുളക്കിഴങ്ങു പോലെ, റഫ്രിജറേറ്ററില് സൂക്ഷിക്കുമ്പോള് ഉള്ളിയിലെയും അന്നജം പഞ്ചസാരയായി മാറുന്നു, ഇത് ഉള്ളി അമിതമായി മധുരമുള്ളതും വേഗം കേടാകാന് സാധ്യതയുള്ളതുമാക്കുന്നു. ഒരിക്കല് ഒരു ഉള്ളി മുറിച്ചാല്, അത് പരിസ്ഥിതിയില് നിന്ന് ബാക്ടീരിയകളെ ആഗിരണം ചെയ്യാന് തുടങ്ങും ഈ ഉള്ളി കഴിക്കുന്നത് ഭക്ഷണമലിനീകരണത്തിന് കാരണമാകും.
അടുത്ത ലേഖനം
