അനുബന്ധ വാര്ത്തകള്
- കലാശ പോരിൽ ബെൻസേമയുടെ മടങ്ങിവരവുണ്ടാകുമോ? അർജൻ്റീനയ്ക്കെതിരെ കളിച്ചേക്കാൻ എത്രത്തോളം സാധ്യത
- ടീമിലെത്തിയത് ചേട്ടന് പകരക്കാരനായി, ക്വാർട്ടറിൽ വരുത്തിയ പിഴവിന് സെമിയിൽ പരിഹാരം ചെയ്ത് തിയോ ഹെർണാണ്ടസ്
- തലനാരിഴയ്ക്ക് നഷ്ടമായ അനവധി ഗോൾ അവസരങ്ങൾ, മൊറോക്കൊ മടങ്ങിയത് അവസാനം വരെ പൊരുതികൊണ്ട്
- അര്ജന്റീന അത്ര നല്ല കളിയൊന്നുമല്ല, പക്ഷേ അവര്ക്ക് മെസിയുണ്ട്: റൊണാള്ഡോ
- ഖത്തര് ലോകകപ്പ്: അര്ജന്റീന-ഫ്രാന്സ് ഫൈനല് എപ്പോള്
കിരീടം നിലനിർത്താനായാൽ നേട്ടം സ്വന്തമാക്കുന്ന മൂന്നാമത്തെ ടീമാകാം: ലോകകപ്പ് ഫൈനലിൽ ചരിത്രനേട്ടം ലക്ഷ്യമിട്ട് ഫ്രാൻസ്
കൃത്യമായി പറഞ്ഞാൽ 60 വർഷങ്ങൾക്ക് മുൻപാണ് അവസാനമായി ഒരു ടീം ഫുട്ബോളിൽ തങ്ങളുടെ ലോകകിരീടം അവസാനമായി നിലനിർത്തിയത്. ലോകമുള്ള എല്ലാ രാജ്യങ്ങളും മാറ്റുരച്ച് കൊണ്ട് 32 ആയി ചുരുങ്ങി അതിൽ നിന്നും ലോകചാമ്പ്യന്മാരെ തിരെഞ്ഞെടുക്കുന്ന ലോകകപ്പിൽ തുടർച്ചയായി 2 തവണ ചാമ്പ്യന്മാരാകുക എന്നത് നിസാരമായ കാര്യമല്ല.
ലോകകപ്പ് ഫുട്ബോളിൻ്റെ 92 വർഷക്കാലചരിത്രത്തിൽ രണ്ടേ രണ്ട് തവണ മാത്രമാണ് ഇത്തരത്തിൽ സംഭവിച്ചിട്ടുള്ളത്. 1930ലെ പ്രഥമ ലോകകപ്പിൽ ഉറുഗ്വ ചാമ്പ്യന്മാരായപ്പോൾ 1934ലും 1938ലും ഇറ്റലി ലോകകിരീടം സ്വന്തമാക്കി ആദ്യമായി ഈ നേട്ടം സ്വന്തമാക്കി. ബെനിറ്റോ മുസ്സോളിനി ഭരണത്തിലുണ്ടായിരുന്ന ഈ സമയത്ത് കടുത്ത സമ്മർദ്ദമാണ് ഇറ്റാലിയൻ ടീമിന് മുന്നിലുണ്ടായിരുന്നത്.
ലോകകപ്പ് ഫുട്ബോളിൽ ഏറ്റവും വലിയ ശക്തരായ ബ്രസീലാണ് പിന്നീട് ഈ നേട്ടം വീണ്ടും ആവർത്തിച്ചത്. പെലെ അടങ്ങിയ ടീം 1958ലും 1962ലും കപ്പ് നേടി. നാല് തവണ കിരീടം സ്വന്തമാക്കിയിട്ടുണ്ടെങ്കിലും ജർമനിക്ക് ഈ നേട്ടം സ്വന്തമാക്കാനായിട്ടില്ല. നിലവിൽ 2 കിരീടനേട്ടങ്ങളാണ് അർജൻ്റീനയ്ക്കും ഫ്രാൻസിനുള്ളതിൽ വിജയം സ്വന്തമാക്കാനായാൽ ഇത് മൂന്നായി ഉയർത്താൻ വിജയിക്കുന്ന ടീമിനാകും. വിജയം ഫ്രാൻസിനൊപ്പമാണെങ്കിൽ 60 വർഷങ്ങൾക്ക് ശേഷം കിരീടം സ്വന്തമാക്കുന്ന നേട്ടവും ഫ്രാൻസിന് സ്വന്തമാകും.
