രേണുക വേണു|
Last Modified ചൊവ്വ, 13 ഡിസം‌ബര്‍ 2022 (08:01 IST)
ക്രൊയേഷ്യക്കെതിരായ സെമി ഫൈനല്‍ മത്സരം കഠിനമാകുമെന്ന് അര്‍ജന്റൈന്‍ പരിശീലകന്‍ ലയണല്‍ സ്‌കലോണി. ക്രൊയേഷ്യയുടെ കളി നന്നായി മനസിലാക്കി. അവര്‍ മികച്ച ടീമാണ്. മികവുറ്റ താരങ്ങള്‍ അവര്‍ക്കുണ്ട്. തീര്‍ച്ചയായും ഇതൊരു കഠിനമായ മത്സരമായിരിക്കും - സ്‌കലോണി പറഞ്ഞു. സെമി ഫൈനല്‍ മത്സരത്തിനു മുന്നോടിയായുള്ള വാര്‍ത്താസമ്മേളനത്തില്‍ സംസാരിക്കുകയായിരുന്നു അദ്ദേഹം.
'ഫുട്‌ബോളിനെ സ്‌നേഹിക്കുന്ന ആരും മോഡ്രിച്ചിനെ പോലൊരു താരത്തെ പിച്ചില്‍ കാണാന്‍ ആഗ്രഹിക്കും. മോഡ്രിച്ച് കളിക്കുന്നതും ആ കളി കാണാന്‍ സാധിക്കുന്നതും തീര്‍ച്ചയായും നല്ല കാര്യമാണ്,' സ്‌കലോണി കൂട്ടിച്ചേര്‍ത്തു.
ഇന്ന് അര്‍ധരാത്രി 12.30 നാണ് അര്‍ജന്റീന vs ക്രൊയേഷ്യ സെമി ഫൈനല്‍ മത്സരം. ലുസൈല്‍സ് സ്റ്റേഡിയത്തില്‍ വെച്ചാണ് മത്സരം നടക്കുക. ഇന്ന് ജയിക്കുന്നവര്‍ ഫൈനലിലെത്തും.
