യുവന്റസ് വിട്ട് മാഞ്ചസ്റ്റര്‍ യുണൈറ്റഡിലേക്ക് എത്തുന്ന പോര്‍ച്ചുഗല്‍ സൂപ്പര്‍താരം ക്രിസ്റ്റ്യാനോ റൊണാള്‍ഡോയ്ക്ക് ലഭിക്കുന്ന പ്രതിഫലം എത്ര? യുണൈറ്റഡിലെ തന്നെ ഏറ്റവും കൂടുതല്‍ പ്രതിഫലം ലഭിക്കുന്ന താരമാകുകയാണ് റൊണാള്‍ഡോ. നിലവില്‍ ഡേവിഡ് ഡി ഗിയയാണ് 19.5 മില്യണ്‍ പൗണ്ടുമായി ഒന്നാം സ്ഥാനത്ത്. വാര്‍ഷിക പ്രതിഫലത്തില്‍ റൊണാള്‍ഡോ ഇത് മറികടക്കും. ഏകദേശം 25 മില്യണ്‍ പൗണ്ട് ആണ് റൊണാള്‍ഡോയ്ക്ക് വാര്‍ഷിക പ്രതിഫലമായി മാഞ്ചസ്റ്റര്‍ യുണൈറ്റഡ് ഓഫര്‍ ചെയ്തിരിക്കുന്നത്. അതായത് 252 കോടിയിലേറെ രൂപയായിരിക്കും റൊണാള്‍ഡോയുടെ വാര്‍ഷിക പ്രതിഫലം. ആഴ്ചയില്‍ നാലേമുക്കാല്‍ കോടിയോളം രൂപയാണ് ഇത്.