ഗ്രാന്‍റ്‌മാസ്റ്റര്‍ വന്നു. മോഹന്‍ലാല്‍ ആരാധകര്‍ക്ക് ആഘോഷമാക്കാവുന്ന റിപ്പോര്‍ട്ടുകളാണ് ചിത്രത്തിന് എങ്ങുനിന്നും ലഭിക്കുന്നത്. അടിപൊളി ത്രില്ലര്‍ എന്നാണ് പരക്കെയുള്ള അഭിപ്രായം. മോഹന്‍ലാല്‍ നിറഞ്ഞുനില്‍ക്കുന്ന ചിത്രത്തില്‍ ജഗതി, ബാബു ആന്‍റണി, പ്രിയാമണി എന്നിവരും ഗംഭീര പ്രകടനമാണ് നടത്തുന്നത്.
‘കാസനോവയുടെ ക്ഷീണം തീര്‍ത്തു’ എന്നാണ് മലപ്പുറത്തുനിന്ന് ഒരു പ്രേക്ഷകന്‍ പ്രതികരിച്ചത്. വളരെ ത്രില്ലിംഗ് ആയ ഒരു സിനിമയാണ് ബി ഉണ്ണികൃഷ്ണന്‍ നല്‍കിയിരിക്കുന്നത് എന്ന് കോട്ടയത്തുനിന്നും തിരുവനന്തപുരത്തുനിന്നുമുള്ള പ്രേക്ഷകര്‍ പ്രതികരിക്കുന്നു. ഒരുപാട് കാലത്തിന് ശേഷം ബാബു ആന്‍റണിക്ക് തകര്‍ത്തുവാരാന്‍ ഒരു കഥാപാത്രത്തെ ലഭിച്ചു എന്ന് ഏവരും അഭിപ്രായപ്പെടുന്നു.
ഒരു സെന്‍ററില്‍ നിന്നും നെഗറ്റീവ് കമന്‍റുകള്‍ ഒന്നും ലഭിച്ചിട്ടില്ല എന്നത് ഗ്രാന്‍റ്‌മാസ്റ്റര്‍ വന്‍ ഹിറ്റാകുമെന്ന സൂചന നല്‍കുകയാണ്. ആ‍ക്ഷന്‍ രംഗങ്ങളില്‍ മോഹന്‍ലാല്‍ ഗംഭീര പെര്‍ഫോമന്‍സ് ആണ് നടത്തുന്നത്. മോഹന്‍ലാലിന്‍റെ ഗെറ്റപ്പ് സൂപ്പറായിട്ടുണ്ട് എന്നാണ് കമന്‍റുകള്‍ ലഭിച്ചത്.
അടുത്ത പേജില്‍ - “എന്‍റെ റോള്‍, അത് മറ്റാര്‍ക്കും ചെയ്യാന്‍ കഴിയില്ല”
