അനുപമ ശ്രീറാം|
Last Updated:
വ്യാഴം, 27 ഓഗസ്റ്റ് 2015 (19:03 IST)
മമ്മൂട്ടി എന്ന മഹാനടന് ഒരു മുഹൂര്‍ത്തത്തില്‍ പോലും വെല്ലുവിളി ഉയര്‍ത്താന്‍ കഴിയാതെ പോയ കഥാപാത്രമാണ് ഈ ചിത്രത്തിലെ സി പി സ്വതന്ത്രന്‍. എന്നാല്‍ അഭിനയത്തിന് സാധ്യതയുണ്ടായിരുന്ന പല കഥാപാത്രങ്ങളും പ്രേക്ഷകരില്‍ ചലനം സൃഷ്ടിച്ചതുമില്ല. ശ്രീകുമാര്‍ ഭേദപ്പെട്ടുനിന്നപ്പോള്‍ സുനില്‍ സുഖദ ക്ലിക്കായില്ല. നായികയായ ജ്യുവല്‍ മേരി മികച്ച പ്രകടനമാണ് നടത്തിയത്.
നീല്‍ ഡി കുഞ്ഞയാണ് ചിത്രത്തിന്‍റെ ഛായാഗ്രഹണം. കോക്രാങ്കര എന്ന സാങ്കല്‍പ്പിക ഗ്രാമത്തെ മനോഹരമായി പ്രേക്ഷകരിലേക്കെത്തിക്കാന്‍ നീലിന് കഴിഞ്ഞിട്ടുണ്ട്. കാക്കയും കഴുതയും പ്രതിമയുമൊക്കെ സംസാരിക്കുന്ന ഗ്രാമമെന്ന ഭാവന കൊള്ളാം. എന്നാല്‍ ആമേനിലെ കുമരം‌കരിയുടെ മാജിക് പൂര്‍ണമായും ഇവിടെ ആവര്‍ത്തിക്കാന്‍ കഴിഞ്ഞിട്ടില്ല.
ഔസേപ്പന്‍ ഈണമിട്ട ഗാനങ്ങള്‍ രസകരമാണ്. ‘ഉപ്പിനുപോണ വഴിയേത്’ ഇപ്പോഴും നാവില്‍ നിന്ന് പോയിട്ടില്ല. വൈക്കം വിജയലക്‍ഷ്മിയും ജാസി ഗിഫ്റ്റും ഒന്നാന്തരമെന്നേ പറയേണ്ടൂ. ചന്തം തെളിഞ്ഞു എന്ന ഗാനവും നന്നായി.
ഒരിടവേളയ്ക്ക് ശേഷം കമലും മമ്മൂട്ടിയും ഒന്നിക്കുമ്പോള്‍ പ്രേക്ഷകര്‍ക്കുണ്ടാകുന്ന പ്രതീക്ഷയെ പൂര്‍ണമായും സഫലമാക്കാന്‍ ഉട്ടോപ്യയിലെ രാജാവിന് കഴിഞ്ഞിട്ടില്ല. അഴകിയ രാവണനെ മറികടക്കുന്ന ഒരു സൃഷ്ടി ഇവര്‍ക്കായില്ല. എങ്കിലും ഒരു തവണ കണ്ടിരിക്കാവുന്ന, ബോറടിപ്പിക്കാത്ത സിനിമ തന്നെയാണ് ഉട്ടോപ്യയിലെ രാജാവ്.
