Last Modified ബുധന്‍, 1 ഫെബ്രുവരി 2017 (15:12 IST)
നവാഗതനായ ഹനീഫ് അദേനി സംവിധാനം ചെയ്ത ദി ഗ്രേറ്റ് ഫാദര്‍ വലിയ പ്രതീക്ഷയാണ് ഉണര്‍ത്തിയിരിക്കുന്നത്. സമീപകാലത്ത് ഒരു മമ്മൂട്ടിച്ചിത്രത്തിനും ലഭിക്കാത്ത ഹൈപ്പോടെയാണ് ഈ സിനിമ പ്രദര്‍ശനത്തിനെത്തുന്നത്. എന്തായിരിക്കും ഈ സിനിമയില്‍ മമ്മൂട്ടിയുടെ കഥാപാത്രം എന്നത് പുറത്തുവിട്ടിട്ടില്ല.
ഈ സിനിമയില്‍ മമ്മൂട്ടി ഒരു അധോലോക നായകനെയാണ് അവതരിപ്പിക്കുന്നത് എന്നതാണ് സ്ഥിരീകരിക്കാത്ത വിവരം. മകളെ ജീവനുതുല്യം സ്നേഹിക്കുന്ന ഒരു അധോലോക നായകന്‍റെ കഥയാണെന്നാണ് സൂചന. ഡേവിഡ് നൈനാന്‍ എന്നാണ് കഥാപാത്രത്തിന്‍റെ പേര്. മമ്മൂട്ടിയുടെ തകര്‍പ്പന്‍ ആക്ഷന്‍ രംഗങ്ങളായിരിക്കും ചിത്രത്തിന്‍റെ ഹൈലൈറ്റ്.
ചിത്രത്തിന്‍റെ മോഷന്‍ പോസ്റ്റര്‍ പുറത്തുവിട്ട് 15 മണിക്കൂറിനുള്ളില്‍ നാലുലക്ഷം പേരാണ് യൂട്യൂബില്‍ അത് കണ്ടത്. ഇരുപതിനായിരത്തില്‍ അധികം ലൈക്കും ലഭിച്ചു. ഇത് മലയാളത്തില്‍ ഒരു മോഷന്‍ പോസ്റ്ററിന് ലഭിക്കുന്നെ റെക്കോര്‍ഡ് സ്വീകരണമാണ്.
സ്നേഹ നായികയാകുന്ന ഈ സിനിമയില്‍ ആര്യയാണ് വില്ലന്‍. പൃഥ്വിരാജാണ് സിനിമ നിര്‍മ്മിക്കുന്നത്. ഗോപി സുന്ദറാണ് സംഗീതം. റോബി വര്‍ഗീസ് രാജാണ് ക്യാമറ.
