Last Modified വ്യാഴം, 27 നവം‌ബര്‍ 2014 (21:22 IST)
തമിഴകത്തിന്‍റെ നമ്പര്‍ വണ്‍ സംവിധായകരില്‍ ഒരാളായ ഭാരതിരാജയുടെ പുതിയ ചിത്രത്തിന് 'ഓം' എന്ന് പേരിട്ടു.
ഭാരതിരാജ തന്നെയാണ് ഈ സിനിമയില്‍ കേന്ദ്ര കഥാപാത്രത്തെ അവതരിപ്പിക്കുന്നത്.
ജോലിയില്‍ നിന്ന് വിരമിച്ച ശേഷം അമേരിക്കയിലുള്ള മക്കളുടെ അടുത്തേക്ക് പോകുന്ന ആളായിട്ടാണ് ഭാരതിരാജ ഈ സിനിമയില്‍ അഭിനയിക്കുന്നത്. അമേരിക്കയിലെത്തിയ ശേഷം പക്ഷേ, അയാള്‍ അയല്‍‌ക്കാരിയുമായി പ്രണയത്തിലാകുന്നു!
ഭാരതിരാജയുടെ തന്നെ മുതല്‍ മര്യാദൈ, ബാല്‍കിയുടെ ചീനി കം തുടങ്ങിയ സിനിമകളുടെ പ്രമേയത്തോട് സാദൃശ്യമുള്ള പ്രമേയമാണ് ഓമില്‍ അദ്ദേഹം പരീക്ഷിക്കുന്നത്. ചിത്രത്തിന്‍റെ ആദ്യ ഷെഡ്യൂള്‍ പൂര്‍ത്തിയാക്കിക്കഴിഞ്ഞു. യുവന്‍ ഷങ്കര്‍ രാജയാണ് ഓമിന്
സംഗീതം നല്‍കുന്നത്.
നടന്‍ എന്ന നിലയിലും മികവ് വ്യക്തമാക്കിയ കലാകാരനാണ് ഭാരതിരാജ. മണിരത്നത്തിന്‍റെ 'ആയുധ എഴുത്ത്', ഷങ്കര്‍ നിര്‍മ്മിച്ച രട്ടൈസുഴി, സുശീന്ദ്രന്‍റെ പാണ്ഡ്യനാട് തുടങ്ങിയ സിനിമകളില്‍ ഗംഭീര പെര്‍ഫോമന്‍സാണ് ഭാരതിരാജ കാഴ്ചവച്ചത്.
