ഭാസിയെയും സംഘത്തെയും ഒതുക്കാനായി രുദ്രാക്ഷന്‍ പിള്ളയെന്ന പൊലീസ് ഓഫീസറെ മാധവന്‍ നായര്‍ ഉപയോഗപ്പെടുത്താന്‍ ശ്രമിക്കുന്നു. എന്നാല്‍, ഇയാളും ക്രമേണ ഭാസിയുടെ ആരാധകനായി മാറുന്നു. പിന്നെയാണ് സഹീര്‍ മുസ്തഫയുടെ വരവ്. മുസ്തഫയുമായി കൊമ്പ് കോര്‍ക്കുന്നതിന് ഭാസിക്ക് ചില തടസ്സങ്ങളുണ്ട്. ഇവിടെ കഥയ്ക്ക് ഒരു വഴിത്തിരിവ് ഉണ്ടാവുന്നു.
മണി ഭാസിയുടെ റോള്‍ ചെയ്തു, മണിയില്‍ നിന്ന് പ്രതീക്ഷിക്കാവുന്നിടത്തോളം ഭംഗിയായി. മണിയുടെ ആരാധകര്‍ ഒഴികെ ആരും ഈ സിനിമയിലെ മണിയുടെ അഭിനത്തില്‍ ആകൃഷ്ടരാവില്ല. മണി ചെയ്ത് പഴകിയ ഈ ഭാവങ്ങള്‍ക്ക് ഇനിയും ആഴം ലഭിക്കുക പ്രയാസമാണ്. രാജന്‍ പി ദേവ് ചെമ്പരുന്തായി തകര്‍ത്തു. പ്രസിഡന്‍റായി നെടുമുടി വേണുവും. എന്നാല്‍, ഇവര്‍ക്ക് രണ്ട് പേര്‍ക്കും മാത്രമായി ചിത്രത്തിന്‍റെ പൊതുവായ വിരസത അകറ്റാന്‍ കഴിയില്ലല്ലോ?
മണിയുടെ വലംകൈയ്യായ രാജേന്ദ്രന്‍റെ വേഷത്തില്‍ റിയാസ് ഖാന്‍ എത്തുന്നു. റിയാസിന്‍റെ അഭിനയം ശരാശരി നിലവാരത്തിലാണ്. എന്നാല്‍, സഹീര്‍ മുസ്തഫയായി എത്തിയ സൈജു കുറുപ്പ് നിരാശപ്പെടുത്തി. സഹീര്‍ മുസ്തഫയുടെ സഹോദരി ഷാഹിനയായി ഇന്ദ്രജ നിലവാരമുള്ള പ്രകടനം കാഴ്ച വച്ചപ്പോള്‍ പഞ്ചായത്ത് പ്ര സിഡന്‍റിന്‍റെ മകളായി ദിവ്യ വിശ്വനാഥ് പരാജയമാവുന്ന കാഴ്ചയാണ്.
PRATHAPA CHANDRAN|
ഹരിദാസിന് സംവിധാന മികവ് അവകാശപ്പെടാനില്ലാത്ത ഇന്ദ്രജിത്തില്‍ സാങ്കേതിക മികവും ദൃശ്യമല്ല. പാട്ടുകള്‍ ആവര്‍ത്തന വിരസത തോന്നിപ്പിക്കുന്നു. ചുരുക്കത്തില്‍, എല്ലാ കലാഭവന്‍ മണി ചിത്രങ്ങളെയും പോലെ തന്നെ ഇന്ദ്രജിത്തും- കണ്ടില്ലെങ്കിലും ഒന്നും നഷ്ടമാവാനില്ല!
