Last Modified വെള്ളി, 23 ഒക്‌ടോബര്‍ 2015 (16:35 IST)
ബാഹുബലിയിലെ ‘ശിവകാമി’യെ പ്രേക്ഷകര്‍ ഒരിക്കലും മറക്കില്ല. രമ്യാകൃഷ്ണന്‍ അനശ്വരമാക്കിയ ആ കഥാപാത്രം അവര്‍ക്ക് പടയപ്പയ്ക്ക് ശേഷം ലഭിച്ച മികച്ച അവസരങ്ങളില്‍ ഒന്നായിരുന്നു. ഇപ്പോഴിതാ വീണ്ടും രമ്യയ്ക്ക് ഒരു ഉഗ്രന്‍ കഥാപാത്രം ലഭിക്കുന്നു. അതും മലയാളത്തില്‍ നിന്ന്.
ജയറാം നായകനാകുന്ന ‘ആടുപുലിയാട്ടം’ എന്ന സിനിമയിലാണ് രമ്യാ കൃഷ്ണന്‍ നായികയാകുന്നത്. ജയറാം ഈ സിനിമയുടേതായി ഫേസ്ബുക്കില്‍ പോസ്റ്റ് ചെയ്ത ചിത്രങ്ങളില്‍ നിന്ന് ഇതൊരു ഹൊറര്‍ മൂവിയാണെന്നാണ് വ്യക്തമാകുന്നത്. ജയറാമിന് ഈ സിനിമയില്‍ സോള്‍ട്ട് ആന്‍റ് പെപ്പര്‍ ലുക്കാണ്.
മുമ്പും ഹൊറര്‍ സിനിമകളില്‍ ജയറാം അഭിനയിച്ചിട്ടുണ്ട്. വിന്‍റര്‍, പകല്‍പ്പൂരം, മാന്ത്രികന്‍, മൂന്നാമതൊരാള്‍, കാണാകണ്‍‌മണി, ആയുഷ്കാലം തുടങ്ങിയവ ജയറാം അഭിനയിച്ച ഹൊറര്‍ ചിത്രങ്ങളാണ്.
