സല്‍മാന്‍ ഖാനും റൊമാ‌നിയന്‍ ടെലിവിഷന്‍ അവതാരക ലുലിയയും തമ്മിലുള്ള ബന്ധം ബോളിവുഡിനെ ചൂടുപിടിപ്പിച്ചിരിക്കുകയാണ്. രണ്ടു പേരെയും പല സ്ഥലങ്ങളിലും ഒരുമിച്ച് കണ്ടത് പാപ്പരാസികള്‍ ആഘോഷിക്കുകയാണ്. ഇരുവര്‍ക്കുമിടയില്‍ എന്തോ ഉണ്ടെന്ന് ഒളിഞ്ഞും തെളിഞ്ഞും പറഞ്ഞ് പാപ്പരാസികള്‍ എന്തായാലും ‘സല്‍മാന്‍-ലുലിയ പ്രണയം’ എന്ന രീതിയിലേക്ക് കാര്യങ്ങള്‍ എത്തിച്ചിരിക്കുന്നു.

തീയില്ലാതെ പുകയുണ്ടാകുമോ? എന്തായാലും ഇക്കാര്യത്തില്‍ സല്‍മാന്‍ മൗനം തുടരുകയാണ്. ഈ ബന്ധത്തേക്കുറിച്ച് ചോദിക്കുമ്പോള്‍ ഒന്നും മിണ്ടാതെയിരുന്നാല്‍ എന്താണര്‍ത്ഥം? സല്‍മാന്‍റെ മൌനത്തിനുള്ളിലെ വാചാലത ഡീകോഡ് ചെയ്ത് എന്തെങ്കിലും കിട്ടുമോ എന്നുനോക്കുകയാണ് ഗോസിപ്പ് കോളക്കാര്‍.

സല്‍മാനും ലുലിയയും ഒരുമിച്ചുള്ള ചിത്രങ്ങ‌ള്‍ സോഷ്യല്‍ മീഡിയയില്‍ വന്‍ പ്രചാരമാണ് നേടുന്നത്. ഒഴിവുകാലം ഒരുമിച്ച് ചെലവഴിക്കാന്‍ ദുബായിലെത്തിയതായിരുന്നു ഇരുവരും. എന്നാല്‍ ലുലിയയ്ക്കൊപ്പമുള്ളത് സല്‍മാനല്ലെന്നും ചില റിപ്പോര്‍ട്ടുകള്‍ വരുന്നുണ്ട്.

കൌതുകകരമായ ഒരു വസ്തുത പാപ്പരാസികള്‍ മറച്ചുവയ്ക്കുന്നുണ്ട്. ദുബായില്‍ സല്‍മാനോടൊപ്പം അദ്ദേഹത്തിന്റെ കുടുംബവും ഉണ്ടായിരുന്നു എന്നതാണത്!