തമിഴക ഹൃദയത്തില് ഇടം നേടിയ നായികമാര് ഏറെയുണ്ടെങ്കിലും വടക്കു നിന്നെത്തി തെന്നിന്ത്യന് വെള്ളിത്തിര കീഴടക്കിയ ഖുശ്ബുവാണ് ഈ ഗണത്തിലെ പെണ് സാന്നിധ്യം. തൊണ്ണൂറുകളിലെ ചൂടന് വാര്ത്തയായിരുന്നു ഖുശ്ബുവിന്റെ പേരിലുള്ള അമ്പലം.
തിരുച്ചിറപ്പള്ളിയില് ഖുശ്ബുവിനായി ആരാധകര് പണിഞ്ഞ അമ്പലം രണ്ട് വര്ഷം മുമ്പാണ് ആരാധകര് തന്നെ തകര്ത്തത്. വിവാഹപൂര്വ്വ ലൈംഗികതയെ ന്യായീകരിച്ച ഖുശ്ബുവിന്റെ പരാമര്ശങ്ങളാണ് ആരാധകരെ പ്രകോപിപ്പിച്ചത്.
വടക്കുനിന്നെത്തി തമിഴകത്തെ കീഴടക്കിയ നഗ്മക്ക് വേണ്ടിയും ആരാധകര് ക്ഷേത്രം നിര്മ്മിക്കാന് ശ്രമം നടത്തിയിരുന്നു. തമിഴ് സിനിമകളിലൂടെ ശ്രദ്ധിക്കപ്പെട്ട യുവനടിയുടെ പേരില് അടുത്തിടെ ആരാധകര് വമ്പന് ക്ഷേത്രം നിര്മ്മിച്ചെങ്കിലും തെന്നിന്ത്യയില് അത് അത്ര വാര്ത്താ പ്രാധാന്യം നേടിയില്ല.
പൂജക്ക് കൊളംബോയില് ക്ഷേത്രം
PRO
PRO
ശ്രീലങ്കന് തലസ്ഥാനമായ കൊളംമ്പോയിലായിരുന്നു ക്ഷേത്രം ഉയര്ന്നത്. തമിഴ് , സിംഹള സിനിമയില് സജീവമായ പൂജക്ക് വേണ്ടിയാണ് കൊളംബോയില് ആരാധകര് ക്ഷേത്രം പണിഞ്ഞത്. ജേ ജേ, ഉള്ളം കേക്കുമേ, തമ്പി, പട്ടയല്, തുടങ്ങിയ നിരവധി ചിത്രങ്ങളില് നായികയായ പൂജ മലയാളികള്ക്കും അപരിചിതയല്ല. നരേന് നായകനായ പന്തയ കോഴിയിലെ നായികയായത് ഇതേ പൂജയാണ്.
മാതാപിതാക്കള് യഥാക്രമം കര്ണ്ണാടക, തമിഴ്നാട് സ്വദേശികളാണെങ്കിലും സിംഹള സിനിമകളാണ് പൂജയെ വളര്ത്തിയത്. പൂജയുടെ അഞ്ജലിക, ആസൈ മംഗ് പിയാബന്ന എന്നീ ശ്രീലങ്കന് ചിത്രങ്ങള് വന് ഹിറ്റായിരുന്നു. ഇതായിരുന്നു നടിക്ക് ക്ഷേത്രം പണിയാന് ആരാധകരെ പ്രേരിപ്പിച്ചത്.
WEBDUNIA|
എന്നാല് ക്ഷേത്രവും പൂജയും അധിക നാള് നാള് നീണ്ടു നിന്നില്ല. അഞ്ജാതരായ അക്രമികള് ക്ഷേത്രം ബോംബിട്ട് തകര്ക്കുകയായിരുന്നു.