2010 മുതല്‍ തമിഴ് സൂപ്പര്‍താരം സൂര്യയുടെ കരിയര്‍ ഗ്രാഫ് ശ്രദ്ധിച്ചുനോക്കുക. ‘സിങ്കം’ ആ വര്‍ഷത്തെ ഏറ്റവും വലിയ ഹിറ്റായിരുന്നു. അതിനുശേഷം രക്തചരിത്ര, ഏഴാം അറിവ്, മാട്രാന്‍ എന്നീ പരാജയങ്ങള്‍. അതുകഴിഞ്ഞ് 2013ല്‍ ‘സിങ്കം 2’ ആണ് സൂര്യയുടെ വന്‍ ഹിറ്റ്. സിങ്കം 2 കഴിഞ്ഞിട്ടോ? പരാജയങ്ങള്‍ വീണ്ടും. അഞ്ചാന്‍, മാസ് എന്നിവ.

ഇപ്പോഴിതാ, സിങ്കം3 യുടെ സമയം. സെപ്റ്റംബറില്‍ ഷൂട്ടിംഗ് ആരംഭിക്കുന്ന സിങ്കം3യുടെ ആദ്യ ഷെഡ്യൂള്‍ ചെന്നൈയിലായിരിക്കും. പിന്നീട് വിദേശലൊക്കേഷനുകളിലേക്ക് ഷിഫ്റ്റ് ചെയ്യും. അനുഷ്ക ഷെട്ടിയും ശ്രുതി ഹാസനുമാണ് സിങ്കം3യിലെ നായികമാര്‍.

ഒരേ സ്റ്റോറി ലൈനില്‍ ഒരു സിനിമയുടെ മൂന്നാം ഭാഗം വരുന്നത് തമിഴ് സിനിമാചരിത്രത്തില്‍ ആദ്യമാണ്. മുനി, കാഞ്ചന, കാഞ്ചന 2 എന്നിവ ഇറങ്ങിയെങ്കിലും അവയ്ക്ക് വെവ്വേറെ സ്റ്റോറി ലൈനായിരുന്നു. അനിരുദ്ധ് ആണ് സിങ്കം3യുടെ സംഗീതം ചെയ്യുന്നത്.