തിരക്കഥാകൃത്ത് ജിനു എബ്രഹാം സംവിധാനം ചെയ്ത ചിത്രമാണ് ആദം ജൊവാന്‍. നായകന്‍ പൃഥ്വിരാജ്. ജിനു ചെയ്ത മൂന്ന് സിനിമകളിലും നായകന്‍ പൃഥ്വി തന്നെയായിരുന്നു. പൃഥ്വിക്കൊപ്പം വര്‍ക്ക് ചെയ്തതിന്റെ അനുഭവങ്ങള്‍ പങ്കുവെയ്ക്കുകയാണ് ജിനു. മനോരമ ഓണ്‍ലൈനിനു നല്‍കിയ അഭിമുഖത്തിലാണ് ജിനു തന്റെ സിനിമാ അനുഭവങ്ങള്‍ പങ്കുവെയ്ക്കുന്നത്.

നമ്മള്‍ പറയുന്ന കഥ മുഴുവന്‍ കേള്‍ക്കാന്‍ പോലും ക്ഷമ കാണിക്കാത്തവരുണ്ട്. ചിലര്‍ ഒന്നും കേള്‍ക്കാതെ തള്ളിക്കളയുകയും ചെയ്യും. മറ്റ് നടന്മാരില്‍ നിന്നും പൃഥ്വിയെ വ്യത്യസ്തനാക്കുന്നതും ഇതുതന്നെയാണെന്ന് ജിനു പറയുന്നു. എന്തു കാര്യങ്ങള്‍ വേണമെങ്കിലും പൃഥ്വിയോട് പറയാം. മുഴുവന്‍ ക്ഷമയോടെ കേട്ടിരിക്കും. ആവശ്യമെങ്കില്‍ ചിലതെല്ലാം നിര്‍ദേശിക്കുമെന്നും ജിനു പറയുന്നു.

പുതിയയാൾ പഴയയാൾ, പരിചയ സമ്പന്നൻ എന്ന രീതിയിലുള്ള വേർതിരിവൊന്നും പൃഥ്വിക്കില്ല. അദ്ദേഹത്തിന് സബ്ജക്ട് ആണു പ്രധാനം. അതാണ് എന്റെ മൂന്നു ചിത്രങ്ങളിലും പൃഥ്വി നായകനാകുള്ള കാരണമെന്ന് ജിനു മനോരമ ഓണ്‍ലൈനിനോട് പറഞ്ഞു.