പരസ്യം കൊടുക്കാത്തതിനു പ്രമുഖ മാധ്യമം മമ്മൂട്ടിയുടെ ‘പുള്ളിക്കാരന്‍ സ്റ്റാറാ’ എന്ന പുത്തന്‍ പടത്തിനു മോശം റിവ്യു എഴുതിയെന്ന് ആരോപണം. ചിത്രത്തിന്റെ സംവിധായകന്‍ ശ്യാംധറും ക്യാമറാമാനും പ്രൊഫസ്സര്‍ ഡിങ്കന്‍ എന്ന ചിത്രത്തിന്റെ സംവിധായകനുമായ രാമചന്ദ്ര ബാബുവും ആണ് ആരോപണവുമായി രംഗത്തെത്തിയിരിക്കുന്നത്. ഇരുവരും ഫെസ്ബുക്കിലൂടെയാണ് തങ്ങളുടെ പ്രതിഷേധം രേഖപ്പെടുത്തിയിരിക്കുന്നത്.

മമ്മൂട്ടി ആരാധകര്‍ ഏറെ പ്രതീക്ഷയോടെ കാത്തിരുന്ന ചിത്രമാണിത്. അധ്യാപകരെ പഠിപ്പിക്കുന്ന അധ്യാപകനായിട്ടാണ് മമ്മൂട്ടി ചിത്രത്തില്‍ എത്തുന്നത്. ഇന്നസെന്റ്, ദിലീഷ് പോത്തന്‍, ഹരീഷ്, ആശ ശരത്, ദീപ്തി സതി എന്നിവരാണ് മറ്റു കഥാപാത്രങ്ങള്‍.