ദുല്ക്കര് സല്മാന് ‘വിക്രമാദിത്യന്‍’, കൂട്ടിന് ഉണ്ണി മുകുന്ദന്!
WEBDUNIA|
PRO
ലാല് ജോസ് സംവിധാനം ചെയ്യുന്ന പുതിയ ചിത്രത്തിന് ‘വിക്രമാദിത്യന്‍’ എന്ന് പേരിട്ടു. ദുല്ക്കര് സല്മാന് നായകനാകുന്ന ഈ സിനിമയില്‍ ഉണ്ണി മുകുന്ദനും ഒരു പ്രധാന വേഷത്തിലെത്തുന്നു. ഈ വര്‍ഷം അവസാനം ചിത്രീകരണം ആരംഭിക്കുന്ന രീതിയിലാണ് പ്രൊജക്ട് പ്ലാന്‍ ചെയ്തിരിക്കുന്നത്.
ജൂനിയര്‍ മെഗാസ്റ്റാര്‍ ദുല്ക്കര് സല്മാന് ആദ്യമായാണ് ലാല് ജോസ് സംവിധാനം ചെയ്യുന്ന ചിത്രത്തില്‍ അഭിനയിക്കുന്നത്. ലാല് ജോസിന്‍റെ പതിവ് രീതികള്‍ വിട്ട് ഇതൊരു ആക്ഷന്‍ എന്‍റര്‍ടെയ്നറായിരിക്കും. ഇക്ബാല്‍ കുറ്റിപ്പുറമാണ് രചന നിര്‍വഹിക്കുന്നത്. ഫോര്‍ട്ടുകൊച്ചിയാണ് പ്രധാന ലൊക്കേഷന്‍. അറബിക്കഥയ്ക്കും ഡയമണ്ട് നെക്ലേസിനും ശേഷം ലാല് ജോസും ഇക്ബാലും ഒന്നിക്കുന്ന ചിത്രമാണ് വിക്രമാദിത്യന്‍.
വളരെ ശ്രദ്ധയോടെയാണ് ദുല്ക്കര് സല്മാന് സിനിമകള്‍ തെരഞ്ഞെടുക്കുന്നത്. നല്ല സിനിമകള്‍ തെരഞ്ഞെടുക്കുന്ന കാര്യത്തില്‍ ഫഹദ് ഫാസിലും ദുല്‍ക്കറും തമ്മില്‍ ഒരു മത്സരം തന്നെയുണ്ട് എന്നത് സംസാര വിഷയമാണ്. വിക്രമാദിത്യന്‍റെ കഥ കേട്ടയുടന്‍ തന്നെ ദുല്ക്കര് ഒകെ പറയുകയായിരുന്നു.
എന്തായാലും മമ്മൂട്ടിയെ വച്ച് മെഗാഹിറ്റുകള്‍ തീര്‍ക്കുന്ന ലാല് ജോസ് ദുല്‍ക്കറിനും ഒരു ക്ലാസിക് വിജയം സമ്മാനിക്കുമെന്ന് പ്രതീക്ഷിക്കാം.
