’നീലാകാശം ചുവന്ന ഭൂമി പച്ചക്കടല്‍‘ - സമീര് താഹിര് സംവിധാനം ചെയ്യുന്ന പുതിയ ചിത്രത്തിന്‍റെ പേരാണിത്. ദുല്ക്കര് സല്മാന് നായകനാകുന്ന ഈ സിനിമയില്‍ സണ്ണി വെയ്‌നും പ്രധാന കഥാപാത്രത്തെ അവതരിപ്പിക്കുന്നു.
കേരളത്തില്‍ നിന്ന് നാഗാലാന്‍ഡിലേക്ക് ബൈക്കില്‍ യാത്രപോകുന്ന രണ്ട് ചെറുപ്പക്കാര്‍ നേരിടേണ്ടി വരുന്ന പ്രശ്നങ്ങളും പ്രതിസന്ധികളുമാണ് ഈ സിനിമ പറയുന്നത്. മണിപ്പൂരില്‍ നിന്നുള്ള സുര്‍ജബാല എന്ന സുന്ദരിയാണ് ഈ ചിത്രത്തില്‍ ദുല്‍ക്കറിന്‍റെ നായികയാകുന്നത്.
നാഗാലാന്‍ഡില്‍ നിന്ന് കേരളത്തിലെത്തി പഠിക്കുന്ന എഞ്ചിനീയറിംഗ് വിദ്യാര്‍ത്ഥിനിയായാണ് സുര്‍ജബാല ഈ സിനിമയില്‍ വേഷമിടുന്നത്. ദുല്‍ക്കറും സുര്‍ജയും നാഗാലാന്‍ഡില്‍ വച്ച് കണ്ടുമുട്ടുന്നതോടെ കഥ മാറുന്നു.
‘ചാപ്പാകുരിശ്’ എന്ന ഒറ്റച്ചിത്രത്തിലൂടെ മലയാളത്തില്‍ വിസ്മയം സൃഷ്ടിച്ച സമീര് താഹിര് ‘നീലാകാശം ചുവന്നഭൂമി പച്ചക്കടല്‍’ എന്ന സിനിമയിലൂടെ വീണ്ടും പ്രേക്ഷകരെ ഹരം പിടിപ്പിക്കുമെന്ന് പ്രതീക്ഷിക്കാം.
