Last Modified ബുധന്, 7 ജനുവരി 2015 (13:12 IST)
ബോളിവുഡിലെയും കോളിവുഡിലെയും വമ്പന് സിനിമകളുടെ നിര്മ്മാതാക്കളായ ഇറോസ് ഇന്റര്നാഷണല് മലയാളത്തിലേക്കും. ഈ കമ്പനി നിര്മ്മിക്കുന്ന ആദ്യ മലയാള സിനിമ സംവിധാനം ചെയ്യുന്നത് ജീത്തു ജോസഫ് ആണ്. ദിലീപ് നായകനാകുന്ന 'ലൈഫ് ഓഫ് ജോസൂട്ടി'യാണ് ചിത്രം.
ലിംഗ, ഷമിതാഭ്, കോച്ചടിയാന്, തേവര്, ജയ്ഹോ തുടങ്ങിയ ബമ്പര് സിനിമകളുടെ നിര്മ്മാതാക്കള് മലയാളത്തിലെ ജീത്തുവിനെ കൂട്ടുപിടിക്കുമ്പോള് ഒരു മെഗാഹിറ്റാണ് അവര് ലക്ഷ്യമിടുന്നത്.
മോഹന്ലാല്, കമല്ഹാസന് തുടങ്ങിയ മഹാനടന്മാരെ സംവിധാനം ചെയ്തതിന് ശേഷം ജീത്തു വീണ്ടും ദിലീപിലേക്ക് മടങ്ങിയെത്തിയിരിക്കുന്ന 'ലൈഫ് ഓഫ് ജോസൂട്ടി' പൂര്ണമായും ഒരു നര്മചിത്രമാണ്.
മൈ ബോസ് എന്ന മെഗാഹിറ്റിന് ശേഷം ദിലീപും ജീത്തു ജോസഫും ഒന്നിക്കുന്ന ചിത്രമാണ് ലൈഫ് ഓഫ് ജോസൂട്ടി. 'ഒരു ഓട്ടോ ബയോഗ്രഫി' എന്നാണ് ചിത്രത്തിന്റെ ടാഗ് ലൈന്. രചന നാരായണന്കുട്ടിയും ജ്യോതി കൃഷ്ണയുമാണ് നായികമാര്.
മെമ്മറീസോ ദൃശ്യമോ പോലെ ഒരു ത്രില്ലറായിരിക്കില്ല ലൈഫ് ഓഫ് ജോസൂട്ടി. ഇതൊരു സാധാരണക്കാരന്റെ ജീവിതചിത്രമാണ്. രാജേഷ് വര്മയാണ് ചിത്രത്തിന് തിരക്കഥ രചിക്കുന്നത്. ആദ്യമായാണ് മറ്റൊരാളുടെ തിരക്കഥയില് ജീത്തു ജോസഫ് ഒരു സിനിമ സംവിധാനം ചെയ്യുന്നത് എന്ന പ്രത്യേകതയുമുണ്ട്. കട്ടപ്പനയിലെ അയ്യപ്പന്കോവിലിലാണ് ഈ സിനിമയുടെ ചിത്രീകരണം. ഇവിടെ രണ്ട് വീടുകളുടെയും വലിയ കൃഷിത്തോട്ടത്തിന്റെയുമൊക്കെ പശ്ചാത്തലത്തിലാണ് ചിത്രീകരണം നടക്കുന്നത്.
ജോജു, സുരാജ് വെഞ്ഞാറമൂട്, ചെമ്പന് വിനോദ് ജോസ്, ഹരീഷ് പേരടി, ധര്മ്മജന് ബോള്ഗാട്ടി തുടങ്ങിയവരും ലൈഫ് ഓഫ് ജോസൂട്ടിയുടെ ഭാഗമാകുന്നു. കട്ടപ്പനയിലെ ആദ്യ ഷെഡ്യൂളിന് ശേഷം ന്യൂസിലന്ഡിലാണ് ചിത്രീകരണം തുടരുക. അതിന് ശേഷം ടീം കട്ടപ്പനയിലേക്ക് മടങ്ങിയെത്തും.
