2024ല്‍ മമ്മൂട്ടിക്കും മോഹന്‍ലാലിനും സാധിക്കാത്തത്... പുതുചരിത്രം എഴുതി 'മഞ്ഞുമ്മല്‍ ബോയ്‌സ്' !
Manjummel Boys
കെ ആര്‍ അനൂപ്|
Last Modified തിങ്കള്‍, 25 മാര്‍ച്ച് 2024 (18:24 IST)
മലയാളത്തിലെ എക്കാലത്തെയും മികച്ച വിജയം സിനിമ മഞ്ഞുമ്മല്‍ ബോയ്‌സ് പ്രദര്‍ശനം തുടരുകയാണ്. 35 ദിനങ്ങള്‍ തീയറ്ററുകളില്‍ ഒരു സിനിമ നില്‍ക്കുക എന്നത് ഇന്നത്തെ കാലത്ത് അപൂര്‍വ നേട്ടമാണ്. കോടത്തലത്തില്‍ 200 കോടിയിലധികം സിനിമ നേടിക്കഴിഞ്ഞു.യുകെ അയര്‍ലാന്‍ഡ് എന്നിവടങ്ങളിലും മലയാള സിനിമകളില്‍ ഒന്നാം സ്ഥാനം നേടിയിരിക്കുകയാണ് മഞ്ഞുമല്‍ ബോയ്‌സ്.
യുകെയിലും അയര്‍ലാന്‍ഡിലും 2018ന്റെ ആകെ കളക്ഷന്‍ സിനിമ മറികടന്നു.2018 യുകെയില്‍ ആകെ 7.89 കോടി നേടിയപ്പോള്‍ മഞ്ഞുമ്മല്‍ ബോയ് 7.90 കോടി ഇവിടെനിന്ന് നേടി. കേരളത്തിലും
മിഡില്‍ ഈസ്റ്റും ഒഴികെ മറ്റുവിടങ്ങളിലെല്ലാം മഞ്ഞുമ്മല്‍ ബോയ്‌സ് തന്നെയാണ് ഒന്നാമത് എന്നാണ് റിപ്പോര്‍ട്ടുകള്‍.
തമിഴ്‌നാട്ടില്‍ 50 കോടിയിലധികം രൂപ മഞ്ഞുമ്മല്‍ ബോയ്‌സ് നേടിയിട്ടുണ്ട്. ഇതാദ്യമായാണ് ഒരു മലയാളം സിനിമ ഇത്തരത്തില്‍ ഒരു നേട്ടത്തില്‍ എത്തുന്നത്. കര്‍ണാടകയില്‍ നിന്ന് 11 കോടിയോളം നേടി.
