കെ ആര്‍ അനൂപ്|
Last Modified തിങ്കള്‍, 29 ജനുവരി 2024 (15:29 IST)
ഉര്‍വശിയെ നായികയാക്കി ഭര്‍ത്താവും സംവിധായകനുമായ ശിവപ്രസാദ് സംവിധാനം ചെയ്യുന്ന ചിത്രമാണ് 'എല്‍. ജഗദമ്മ ഏഴാംക്ലാസ് ബി സ്റ്റേറ്റ് ഫസ്റ്റ്'. ഇരുവരും ഇതാദ്യമായാണ് ഒന്നിക്കുന്നത്.എവര്‍സ്റ്റാര്‍ ഇന്ത്യന്‍സിന്റെ ബാനറില്‍ ചലച്ചിത്ര താരം ഉര്‍വശി, ഫോസില്‍ഹോള്‍ഡിംഗ്‌സ് എന്നിവര്‍ ചേര്‍ന്ന് നിര്‍മ്മിക്കുന്ന സിനിമയുടെ ചിത്രീകരണം പൂര്‍ത്തിയായി. കൊട്ടാരക്കരയിലും പരിസര പ്രദേശങ്ങളിലുമായി അവസാനഘട്ട ചിത്രീകരണം നടന്നത്.
ടൈറ്റില്‍ റോളില്‍ ഉര്‍വശി എത്തുന്നു.ജഗദമ്മ എന്ന കഥാപാത്രത്തെയാണ് നടി അവതരിപ്പിക്കുന്നത്.കലേഷ് രാമാനന്ദ്, ബാലചന്ദ്രന്‍ ചുള്ളിക്കാട്, ജയന്‍ ചേര്‍ത്തല, കലാഭവന്‍ പ്രജോദ്, രാജേഷ് ശര്‍മ്മ, കിഷോര്‍, നോബി, വി.കെ. ബൈജു, പി.ആര്‍. പ്രദീപ്, രശ്മി അനില്‍, ശൈലജ അമ്പു, ജിബിന്‍ ഗോപിനാഥ്, അഞ്ജലി സത്യനാഥ്, ഇന്ദുലേഖ തുടങ്ങിയ താരങ്ങള്‍ക്കൊപ്പം അമ്പതിലധികം പുതുമുഖങ്ങള്‍ കൂടി അണിനിരക്കുന്നു.
അനില്‍ നായര്‍ ഛായാഗ്രഹണം നിര്‍വഹിക്കുന്നു. അന്‍വര്‍ അലി എഴുതിയ വരികള്‍ക്ക് കൈലാസ്‌മേനോന്‍ ആണ് സംഗീതം നല്‍കുന്നത്.എഡിറ്റിംഗ്- ഷൈജല്‍, പ്രൊഡക്ഷന്‍ കണ്‍ട്രോളര്‍- ഷാഫി ചെമ്മാട്, ചീഫ് അസോസ്സിയേറ്റ് ഡയറക്ടര്‍ - റെജിവാന്‍ അബ്ദുല്‍ ബഷീര്‍.
