കെ ആര്‍ അനൂപ്|
Last Modified ചൊവ്വ, 9 ജനുവരി 2024 (10:30 IST)
മോഹന്‍ലാലിന്റെ തിരിച്ചുവരവ് അടയാളപ്പെടുത്തിയ ചിത്രമാണ് നേര്.ആഗോള കളക്ഷന്‍ 80 കോടി കടന്നു. കേരള ബോക്സ് ഓഫീസില്‍ മാത്രമല്ല ഗള്‍ഫിലും ചരിത്രം കുറിക്കുകയാണ് ചിത്രം.യുഎഇയില്‍ ആണ് നേട്ടം ഉണ്ടാക്കിയത്.
മള്‍ട്ടിപ്‌ളെക്‌സ് സ്‌ക്രീനുകള്‍ വാഴും കാലത്ത് രാഗം പോലുള്ള സിംഗിള്‍ സ്‌ക്രീനിലേക്ക് ആളുകള്‍ ഒഴുകിയെത്തുന്നു എന്നത് അതിശയിപ്പിക്കുന്നതാണ്. മാത്രമല്ല മോഹന്‍ലാല്‍ ചിത്രങ്ങള്‍ക്ക് എന്നും വലിയ സ്വീകാര്യത തൃശ്ശൂരില്‍ ഉണ്ട്. ഒപ്പം രാഗം തിയറ്റര്‍ അതിന് ചുക്കാന്‍ പിടിക്കാറുമുണ്ട്. നേര് ടിക്കറ്റ് വില്‍പ്പനയുടെ കാര്യത്തില്‍ തൃശ്ശൂര്‍ രാഗം കഴിഞ്ഞാല്‍ തൊട്ടുപിന്നില്‍ എറണാകുളത്തെ കവിത സിംഗിള്‍ സ്‌ക്രീന്‍ ആണ്. പിന്നെ തിരുവനന്തപുരം ഏരീസ് പ്ലെക്‌സുമാണ്. എന്തായാലും നേര് തരംഗം കേരളത്തില്‍ അവസാനിക്കുന്നില്ല.
