ആവേശം അതിരുവിട്ടു,ലിയോ ട്രെയിലര്‍ പ്രദര്‍ശിപ്പിച്ച തിയേറ്ററിന് നാശനഷ്ടം, സീറ്റിനു മുകളിലൂടെ നടന്നുപോകുന്ന ആരാധകര്‍, വീഡിയോ
കെ ആര്‍ അനൂപ്|
Last Modified വെള്ളി, 6 ഒക്‌ടോബര്‍ 2023 (09:04 IST)
കഴിഞ്ഞ ദിവസമാണ് വിജയ് ആരാധകരെ ആവശ്യത്തിലാക്കി ലിയോ ട്രെയിലര്‍ പുറത്തുവന്നത്. ആരാധകര്‍ക്കായി ചെന്നൈ രോഹിണി സില്‍വര്‍ സ്‌ക്രീന്‍സ് തിയറ്ററില്‍ ട്രെയിലര്‍ പ്രദര്‍ശിപ്പിച്ചിരുന്നു. തീയറ്ററിന് നാശനഷ്ടങ്ങളാണ് വിജയ് ആരാധകര്‍ വരുത്തി വെച്ചിരിക്കുന്നത് എന്നാണ് റിപ്പോര്‍ട്ടുകള്‍. സ്‌ക്രീനില്‍ ട്രെയിലര്‍ തെളിഞ്ഞപ്പോള്‍ ആരാധകരുടെ അതിരുവിട്ട ആവേശത്തില്‍ തിയേറ്ററിന് നാശനഷ്ടങ്ങള്‍ ഉണ്ടായ എന്നാണ് ആരോപണം.
ട്രെയിലര്‍ പ്രദര്‍ശിപ്പിച്ചതിന് ശേഷമുള്ള രോഹിണി തിയേറ്റര്‍ എന്ന് എഴുതിക്കൊണ്ട് നിരവധി വീഡിയോകളും ചിത്രങ്ങളും സോഷ്യല്‍ മീഡിയയില്‍ പ്രചരിക്കുന്നു. സീറ്റിനു മുകളിലൂടെ നടന്നുപോകുന്ന ആരാധകരെയും വീഡിയോയില്‍ കാണാം. വീഡിയോയിലെ സത്യം എന്താണെന്ന് തിയേറ്റര്‍ ഉടമകള്‍ പ്രതികരിച്ചിട്ടില്ല.
വിജയ് സിനിമകളുടെ ട്രെയിലറുകള്‍ പ്രത്യേക ഫാന്‍സ് ഷോ ആയി പ്രദര്‍ശിപ്പിക്കാറുണ്ട് രോഹിണി തിയറ്ററില്‍. തിയേറ്റര്‍ ഹാളിന് പുറത്തായിരിക്കും സാധാരണ പ്രദര്‍ശനം. ഇത്തവണ തീയേറ്ററിന് പുറത്തു നടത്തുന്ന പ്രദര്‍ശനത്തിന് പോലീസ് സംരക്ഷണം നല്‍കില്ലെന്ന് പറഞ്ഞതോടെ തിയേറ്ററിനുള്ളിലേക്ക് പ്രദര്‍ശനം മാറ്റിയിരുന്നു.
