ബാഹുബലി 2 വിൽ തനിക്ക് വലിയ പ്രാധാന്യമൊന്നും ഇല്ലായിരുന്നുവെന്ന് തെന്നിന്ത്യൻ സൂപ്പർ താരം തമന്ന. കൺക്ലൂഷനിൽ തനിക്ക് വലൊയ പ്രാധാന്യമില്ല എന്ന കാര്യം അറിയാമായിരുന്നുവെന്നും സംവിധായകൻ രാജമൗലിയുമായി ഒരു പ്രശ്നവും ഇല്ലെന്നും താരം വ്യക്തമാക്കി.

രണ്ടാം ഭാഗത്തിൽ തമന്നയെ അവഗണിച്ചുവെന്നും ഈ കാര്യം പറഞ്ഞ് തമന്ന രാജമൗലിയുമായി അകൽച്ചയിലാണെന്നും ഗോസിപ്പുകൾ പ്രചരിച്ചിരുന്നു. ഇതിനെത്തുടർന്നാണ് സംഭവത്തിൽ വിശദീകരണവുമായി താരം നേരിട്ട് രംഗത്തെത്തിയത്. അവഗണിച്ചുവെന്ന വാർത്തകൾ അടിസ്ഥാനരഹിതമാണെന്നും തമന്ന പറയുന്നു.

പല മാധ്യമങ്ങളും ആവശ്യമില്ലാതെ വാക്കുകൾ വളച്ചൊടിക്കുകയാണ്. സിനിമയുടെ പ്രമോഷൻ പരിപാടികൾ ഒഴിവാക്കിയിട്ടില്ലെന്നും തമന്ന പറയുന്നു.