അനുബന്ധ വാര്ത്തകള്
- അച്ഛന്റെ കൈപിടിച്ച് തൂവെള്ള ഗൗണിൽ അതിസുന്ദരിയായ കീർത്തി സുരേഷ്: കീർത്തിയുടെ ക്രിസ്ത്യൻ വിവാഹത്തിന്റെ ചിത്രങ്ങൾ വൈറൽ
- 'കല്യാണം കഴിഞ്ഞു, എന്നിട്ടും കുട്ടിക്കളി മാറിയിട്ടില്ല': ഉമ്മയുടെ അടുത്ത് നിന്നും പിച്ച് കിട്ടാറുണ്ടെന്ന് നസ്രിയ
- 'ഇത് ഡോബി തിരുവോത്ത്, എന്റെ ഡോഗ്സൺ': പാർവതിയുടെ പോസ്റ്റ് വൈറൽ
- രാം ചരണിനെ മറികടന്ന് അല്ലു അർജുന്റെ വളർച്ച, പണി കൊടുത്തത് സ്വന്തം കുടുംബം?
- 'സംഗീതയ്ക്ക് നീതി ലഭിക്കണം'; ട്രെൻഡിങ്ങിൽ സംഗീത വിജയ്, കാരണമിത്
പൊട്ടിച്ചിരിക്കുന്ന ചിത്രങ്ങൾ വൈറൽ; 'ആ കുഞ്ഞ് ആശുപത്രിയിൽ കിടക്കുമ്പോൾ ഈ ആഘോഷം വേണോ?'; അല്ലു അർജുനെതിരെ വിമർശനം
ബോധവും വിവരവും ഇല്ലേ അല്ലു അർജുൻ?
പുഷ്പ 2 റിലീസ് സമയത്ത് തിയേറ്ററിലുണ്ടായ തിക്കിലും തിരക്കിലും പെട്ട് യുവതി മരിച്ച സംഭവത്തിൽ അല്ലു അർജുനെ അറസ്റ്റ് ചെയ്തതും ജാമ്യത്തിൽ വിട്ടതും എല്ലാം സോഷ്യൽ മീഡിയയിൽ വൈറലായിരുന്നു. ഒരു ദിവസത്തെ ജയിൽ ജീവിതത്തിന് ശേഷം തിരിച്ചെത്തിയ അല്ലു അർജുന് വമ്പൻ സ്വീകരണമായിരുന്നു വീട്ടുകാർ ഒരുക്കിയത്. പിന്നാലെ നിരവധി സിനിമാതാരങ്ങൾ നടനെ കാണാനെത്തുകയും അതിന്റെ ചിത്രങ്ങളെല്ലാം സമൂഹ മാധ്യമങ്ങളിൽ ശ്രദ്ധ നേടുകയുമുണ്ടായി.
നാഗ ചൈതന്യ, റാണാ, പ്രഭാസ്, വിജയ് ദേവരക്കോണ്ട തുടനകിയ താരങ്ങൾക്കൊപ്പം വർത്താനം പറഞ്ഞ് പൊട്ടിച്ചിരിക്കുന്ന അല്ലു അർജുന്റെ ഫോട്ടോസും വീഡിയോസും സോഷ്യൽ മീഡിയയിൽ വൈറലായി. ഇതോടെ, താരത്തിനെതിരെ കടുത്ത വിമർശനവും ഉയർന്നു. തിയേറ്ററിലുണ്ടായ തിക്കിലും തിരക്കിലും പെട്ട് മരിച്ച യുവതിയുടെ മകൻ അത്യാസന്ന നിലയില് ആശുപത്രിയില് തുടരുന്ന ഈ സമയത്ത് ഇത്തരം ആഘോഷങ്ങൾ വേണമായിരുന്നോ എന്നാണ് പലരും സമൂഹ മാധ്യമങ്ങളിലൂടെ ചോദിക്കുന്നത്.
ഒപ്പം നടൻ ഇതുവരെ മരിച്ച യുവതിയുടെ വീട് സന്ദര്ശിച്ചിട്ടില്ലെന്നും ചിലർ വിമർശിക്കുന്നുണ്ട്. ഇതിന് അല്ലു തന്നെ മറുപടി നലകുന്നുണ്ട്. തന്റെ നിയമവിദഗ്ധർ വിലക്കിയത് കൊണ്ട് മാത്രമാണ് കുട്ടിയെ കാണാൻ പോകാതിരുന്നതെന്നാണ് അല്ലുവിന്റെ വിശദീകരണം. സമൂഹ മാധ്യമങ്ങളിലൂടെയാണ് നടന്റെ പ്രതികരണം.
ഇക്കഴിഞ്ഞ ഡിസംബർ നാലാം തീയതി ഹൈദരാബാദിലെ സന്ധ്യ തിയേറ്ററിലായിരുന്നു കേസിനാസ്പദമായ സംഭവം നടന്നത്. ചിത്രത്തിന്റെ പ്രീമിയർ ഷോ കാണാനെത്തിയ ഹൈദരാബാദ് ദിൽഷുക്നഗർ സ്വദേശിനി രേവതി (39)യാണ് തിയേറ്ററിലെ തിക്കിലും തിരക്കിലുംപെട്ട് മരിച്ചത്. തിയേറ്ററിലെത്തിയ അല്ലു അർജുനെ കാണാൻ ആളുകൾ തിരക്ക് കൂടിയതാണ് ദാരുണസംഭവം ഉണ്ടാകാന് കാരണം.
