മലയാളം, തമിഴ്, തെലുങ്ക് തുടങ്ങി പല ഭാഷകളിൽ നടിയായി തിളങ്ങി നിന്ന ആളാണ് രഞ്ജിത. ഭക്തിയുടെ മാർഗത്തിലേക്ക് പോയ രഞ്ജിത പിന്നീട് അടപ്പെട്ടത് വൻ വിവാദങ്ങളിലാണ്. 2010 ല്‍ തമിഴിലെ ഒരു ചാനല്‍ സംപ്രേഷണം ചെയ്ത നടിയുടെ ബെഡ്‌റൂം സീനുകള്‍ കോളിളക്കം സൃഷ്ടിച്ചിരുന്നു. വീഡിയോയിൽ നിത്യാനന്ദ സ്വാമി ആയിരുന്നു ഉണ്ടായിരുന്നത്. വിവാദം കെട്ടടങ്ങിയപ്പോൾ നിത്യാനന്ദയുടെ കീഴില്‍ സന്ന്യാസം സ്വീകരിച്ച രഞ്ജിത ഇപ്പോൾ ഒരുമിച്ച് പങ്കാളികളായി താമസിക്കുകയാണ് എന്നാണ് റിപ്പോർട്ട്.

കഴിഞ്ഞ വര്‍ഷം നിത്യാനന്ദയുമായി ബന്ധപ്പെട്ട ഒരു വെബ്സൈറ്റ് 'നിത്യാനന്ദമയി സ്വാമി' എന്ന പേരില്‍ രഞ്ജിതയുടെ ചിത്രത്തിനൊപ്പം പ്രദര്‍ശിപ്പിച്ചിരുന്നു. മാത്രമല്ല സ്വയം പ്രഖ്യാപിത ഹിന്ദു രാഷ്ട്രമായ കൈലാസത്തിന്റെ പ്രധാനമന്ത്രി എന്ന പദവി വഹിക്കുകയാണ് നടിയിപ്പോള്‍. ഇതിനിടെ, ഒരു മാധ്യമത്തിന് രഞ്ജിത ഒരു അഭിമുഖം നൽകിയിരുന്നു. അതാണ് ഇപ്പോൾ സോഷ്യൽ മീഡിയയിൽ വൈറലാകുന്നത്.

'എന്റെ മാനത്തെ മാധ്യമങ്ങള്‍ പരിഹസിച്ചു. ഞാന്‍ ഒരു പണക്കാരിയായ വീട്ടമ്മയല്ല. എന്റെ അച്ഛന്‍ ഒരു ബിസിനസുകാരനല്ല. ഒരു സാധാരണ മിഡില്‍ക്ലാസ് പെണ്‍കുട്ടിയായ എനിക്ക് ആ സംഭവത്തില്‍ നിന്ന് പുറത്തുവരാന്‍ കഴിഞ്ഞില്ല. ആ കയ്‌പേറിയ അനുഭവം ഉണ്ടാക്കിയ വേദന അസഹനീയമാണ്. അതിന്റെ പേരില്‍ ഭര്‍ത്താവും എന്നില്‍ നിന്ന് പിരിഞ്ഞു. അയാളെ എതിര്‍ക്കാന്‍ എനിക്കും കഴിഞ്ഞില്ല. ഞങ്ങള്‍ രണ്ടുപേരും വേര്‍പിരിഞ്ഞു.

ചെറുപ്പം മുതലേ ദൈവത്തോടും ആത്മീയതയോടും എനിക്ക് വലിയ അടുപ്പമായിരുന്നു. ഇന്നും ഞാനത് പിന്തുടരുന്നു. എന്നെക്കുറിച്ച് പല വിമര്‍ശനങ്ങളും ഉണ്ടായിട്ടുണ്ടാകാം. പക്ഷേ ഞാന്‍ ഇപ്പോഴും നിത്യാനന്ദയുടെ ശിഷ്യയാണ്. ഞാന്‍ ഇപ്പോഴും അദ്ദേഹത്തിന്റെ കൂടെയാണ്. ഇനി മുതല്‍ ഞാന്‍ അദ്ദേഹത്തിന്റെ കൂടെയുണ്ടാകും. ആത്മീയമായി പ്രവര്‍ത്തിക്കുകയാണ്', മുൻ നടി പറഞ്ഞു.