തമിഴ്‌നാട്ടില്‍ മഞ്ഞുമ്മല്‍ ബോയ്‌സ് കത്തി കയറുകയാണ്. ഫെബ്രുവരി 22ന് പ്രദര്‍ശനത്തിന് എത്തിയ ചിത്രം സംവിധാനം ചെയ്തിരിക്കുന്നത് ചിദംബരമാണ്.ഈ സര്‍വൈവല്‍ ത്രില്ലര്‍ പ്രദര്‍ശനത്തിന് എത്തി 11 ദിവസങ്ങള്‍ പിന്നിടുമ്പോള്‍ ബോക്‌സ് ഓഫീസില്‍ എത്ര കളക്ഷന്‍ നേടി എന്ന് നോക്കാം.

മാര്‍ച്ച് 3 ഞായറാഴ്ച, മഞ്ഞുമ്മല്‍ ബോയ്‌സിന് ചാകരയായിരുന്നു. ആദ്യം പുറത്തുവരുന്ന കണക്കുകള്‍ അനുസരിച്ച് 9.25 കോടി രൂപയാണ് ചിത്രം നേടിയത്.

2024 മാര്‍ച്ച് 3 ഞായറാഴ്ച ചിത്രം 75.32% ഒക്യുപെന്‍സി രേഖപ്പെടുത്തി, തമിഴ്നാട്ടില്‍, ചിത്രത്തിന് 74.00% ഒക്യുപന്‍സി ഉണ്ടായിരുന്നു. മഞ്ഞുമ്മല്‍ ബോയ്‌സ് ലോകമെമ്പാടുമുള്ള തിയേറ്ററുകളില്‍ നിന്ന് 79.65 കോടി രൂപ കളക്ഷന്‍ നേടി. ഇന്ത്യയിലെ മൊത്തം കളക്ഷന്‍ 46.75 കോടി രൂപയാണ്.ആദ്യദിനം 3.3 കോടി രൂപയില്‍ തുടങ്ങിയ മഞ്ഞുമ്മേല്‍ ബോയ്‌സ് കഴിഞ്ഞ 11 ദിവസങ്ങളില്‍ സ്ഥിരതയാര്‍ന്ന പ്രകടനമാണ് കാഴ്ചവയ്ക്കുന്നത്.