'ലിയോ' റിലീസിന് ഇനി ഒരു ദിവസം മാത്രം. വിജയ് പ്രധാന കഥാപാത്രത്തെ അവതരിപ്പിക്കുന്ന ചിത്രം ഒരേ സമയം തമിഴ്, തെലുങ്ക്, കന്നഡ, ഹിന്ദി ഭാഷകളില്‍ പ്രദര്‍ശനത്തിനെത്തുന്നു.

യുഎസ്എ, യുകെ, കേരളം എന്നിവിടങ്ങളില്‍ ഒക്ടോബര്‍ 19 ന് പുലര്‍ച്ചെ 4 മണിക്ക് ലിയോയുടെ ആദ്യ ഷോ ഉണ്ടായിരിക്കും. ഗുജറാത്തിലെ ഗാന്ധിനഗറില്‍ ലിയോയുടെ ആദ്യ ഷോ ഉണ്ടായിരിക്കും. ഒക്ടോബര്‍ 19 ന് രാവിലെ 12 മണിക്ക് ഷോ ആരംഭിക്കും. ഗുജറാത്തിലെ ഗാന്ധിനഗറില്‍ നടക്കുന്ന 'ലിയോ' അര്‍ദ്ധരാത്രി ഷോയുടെ ടിക്കറ്റുകള്‍ ഇതിനകം തന്നെ വിറ്റുതീര്‍ന്നു.ബോളിവുഡ് താരം സഞ്ജയ് ദത്ത് പ്രതിനായകനായി എത്തുന്ന ചിത്രമായ ലിയോ ഉത്തരേന്ത്യന്‍ വിപണിയില്‍ വിജയ്യുടെ ഏറ്റവും മികച്ച റിലീസ് ആയിരിക്കും.

ലോകമെമ്പാടുമുള്ള 25,000 സ്‌ക്രീനുകളില്‍ 'ലിയോ' റിലീസ് ചെയ്യുമെന്ന് പ്രതീക്ഷിക്കുന്നു, ആദ്യ ദിനം പ്രീ-സെയില്‍സിലൂടെ ഇതിനകം 75 കോടി നേടി കഴിഞ്ഞു.