കേരളത്തിൽ ഏറ്റവും അധികം ആരാധകരുള്ളത് മമ്മൂട്ടിക്കും മോഹൻലാലിനും ആണ്. ഇഷ്ടതാരങ്ങളെ കണ്ടാൽ സെൽഫി എടുക്കാനും കൈകൊടുക്കാനും ഇവരുണ്ടാകും. ഇപ്പോഴിതാ, മമ്മൂട്ടിയുടെ ആരാധികമാരാണ് വാര്‍ത്തയില്‍ നിറയുന്നത്. രസകരമായൊരു സംഭവം ഉണ്ടായിരിക്കുകയാണ്.

മമ്മൂട്ടിയുടെ ആരാധികമാരായ ചിലര്‍ അദ്ദേഹത്തെ റോഡില്‍ തടഞ്ഞിരിക്കുകയാണ്. അതിന്റെ വീഡിയോ സോഷ്യല്‍ മീഡിയ വഴി വൈറലായി കൊണ്ടിരിക്കുകയാണ്. മമ്മൂട്ടിയുടെ കാര്‍ വരുന്നതും കാത്ത് വഴിയില്‍ നിന്ന ഒരു കുട്ടം വനിതാ ആരാധകരാണ് കാര്‍ തടഞ്ഞ് നിര്‍ത്തി പ്രിയ താരത്തോട് സംസാരിച്ചിരിക്കുന്നത്.

ആരാധകരെ കണ്ടതും മമ്മൂട്ടി ഡ്രൈവറോട് കാർ നിർത്താൻ ആവശ്യപ്പെടുകയും തുടർന്ന് അവരോട് സംസാരിക്കുകയും ഫോട്ടോയെടുക്കുകയും ചെയ്തു. ഫാന്‍സ് പേജുകളിലുടെയും മറ്റുമായി ഇതിന്റെ വീഡിയോ തംരഗമായിരുന്നു. വലിപ്പ ചെറുപ്പമില്ലാതെ ആരാധകരോട് മമ്മൂക്കയ്ക്കുള്ള സ്‌നേഹമിതാണെന്നും മറ്റും ആരാധകര്‍ പറയുന്നു.