മലയാളം സിനിമയുടെ മെഗാസ്റ്റാര്‍ മമ്മൂട്ടി ഇന്ന് 72ാം പിറന്നാള്‍ ആഘോഷിക്കുകയാണ്. നടനെ സ്‌നേഹിക്കുന്നവര്‍ രാവിലെ മുതലേ ആശംസകള്‍ നേരുന്നു. ഇന്നലെ രാത്രി അദ്ദേഹത്തിന്റെ വീട്ടിലെത്തിയാണ് ആരാധകര്‍ ആഘോഷങ്ങള്‍ക്ക് തുടക്കമിട്ടത്. ഫാന്‍സ് അസോസിയേഷനുകളുടെ നേതൃത്വത്തിലും വിവിധ പരിപാടികളും ജീവകാരുണ്യ പ്രവര്‍ത്തനങ്ങളും നടന്നു. ആരാധകര്‍ക്ക് തിയേറ്ററുകളില്‍ ആഘോഷമാക്കാന്‍ നാല് സിനിമകളാണ് ഇനി വരാനുള്ളത്. ഒരു സിനിമയില്‍ അഭിനയിക്കാനായി നടന്‍ വാങ്ങുന്ന പ്രതിഫലം എത്രയാണെന്ന് അറിയാമോ ?

ഒരു സിനിമയില്‍ മമ്മൂട്ടി അഭിനയിക്കാനായി വാങ്ങുന്നത് 10 കോടി രൂപയാണെന്നാണ് റിപ്പോര്‍ട്ടുകള്‍. 340 കോടിയാണ് നടന്റെ ആകെ ആസ്തി എന്നാണ് വിവരം. 50 കോടിയോളം വരും അദ്ദേഹത്തിന്റെ പ്രതിവര്‍ഷ വരുമാനം.

ജിയോ ബേബി സംവിധാനം ചെയ്യുന്ന 'കാതല്‍ അടുത്തത് റിലീസ് ചെയ്യും.

ജ്യോതികയാണ് നായിക. മമ്മൂട്ടിയുടെ മറ്റൊരു ചിത്രം 'കണ്ണൂര്‍ സ്‌ക്വാഡ്'ആണ്. ഇന്ന് വൈകുന്നേരം ആറുമണിക്ക് ട്രെയിലര്‍ പുറത്തിറങ്ങും.

'ഭൂതകാലം' സംവിധായകന്‍ രാഹുല്‍ സദാശിവന്‍ ഒരുക്കുന്ന ഹൊറര്‍ ചിത്രം ഈ അടുത്താണ് പ്രഖ്യാപിച്ചത്.'ബ്രമയുഗം' ഒരുങ്ങുകയാണ്. സിനിമയുടെ ഫസ്റ്റ് ലുക്ക് സോഷ്യല്‍ മീഡിയയില്‍ തരംഗമായി മാറിയിരിക്കുകയാണ്.

ഡീനോ ഡെന്നിസ് സംവിധാനം ചെയ്യുന്ന മമ്മൂട്ടിയുടെ ആക്ഷന്‍ ചിത്രം 'ബസൂക്ക' ഒരുങ്ങുകയാണ്.