jibin|
Last Updated:
ശനി, 8 ഏപ്രില്‍ 2017 (19:22 IST)
ആരാധകരെ സംതൃപ്‌തിപ്പെടുത്തുന്ന സകല ചേരുവകളുമുണ്ടെന്ന് വ്യക്തമാക്കിക്കൊണ്ട് രഞ്ജിത്ത്- മമ്മൂട്ടി ടീമിന്റെ 'പുത്തന്‍ പണ'ത്തിന്റെ ട്രെയ്‌ലര്‍ പുറത്തെത്തി. രണ്ട് മിനിറ്റ് ദൈര്‍ഘ്യമുള്ള ട്രെയ്‌ലറില്‍ മമ്മൂട്ടിയുടെ തകര്‍പ്പന്‍ ലുക്കും കാസര്‍ഗോഡ് സ്ലാഗ് സംഭാഷണങ്ങളുമുണ്ട്.
നോട്ടുകള്‍ പിന്‍വലിച്ചതിന് പിന്നാലെയുണ്ടായ പ്രശ്‌നങ്ങളും സാഹചര്യങ്ങളും വ്യത്യസ്ഥമായ രീതിയില്‍ പറയുന്നുണ്ട് ട്രെയ്‌ലറില്‍. മമ്മൂട്ടിക്കൊപ്പം ഇനിയ, രണ്‍ജി പണിക്കര്‍, സായ്കുമാര്‍, സിദ്ദീഖ്, ഹരീഷ് പെരുമണ്ണ, ബൈജു , ഇന്ദ്രന്‍‌സ്, മാമുക്കോയ, ഷീലു എബ്രഹാം, അബു സലിം, ജോജു ജോര്‍ജ്ജ് എന്നിവരും ചിത്രത്തിലുണ്ട്.
വിഷു റിലീസായിട്ടാണ് പുത്തന്‍ പണം തിയേറ്ററുകളില്‍ എത്തുക. താന്‍ മുമ്പ് ചെയ്‌ത സിനിമകളില്‍ നിന്ന് തികച്ചും വ്യത്യസ്‌തമായിരിക്കും പുത്തന്‍ പണമെന്നാണ് രഞ്ജിത്തിന്റെ വാഗ്ദാനം. ഇതിനാല്‍ ആരാധകര്‍ ഏറെ പ്രതീക്ഷയോടെയാണ് ചിത്രത്തിന്റെ റിലീസിനായി കാത്തിരിക്കുന്നത്.
