മലയാള സിനിമയിലെ സകല റെക്കോർഡുകളും തകർത്ത് മുന്നേറുന്ന ഗ്രേറ്റ്ഫാദറിനെ തളർത്താൻ മോഹൻലാൽ ചിത്രം 1971 ബിയോണ്ട് ബോഡേർസിനും സാധിച്ചില്ല എന്ന് വേണം പറയാൻ. ഫസ്റ്റ് ഡേ റെക്കോർഡ് ചിത്രം നിലനിർത്തിയതായാണ് ലഭിക്കുന്ന സൂചന.

ദിലീപ് ചിത്രം ജോർജേട്ടൻസ് പൂരവും മോഹൻലാൽ ചിത്രവും ഗ്രേറ്റ്ഫാദറിന് വെല്ലുവിളി ഉയർത്തുമെന്ന് കരുതിയെങ്കിലും നിലവിൽ ഗ്രേറ്റ് ഫാദർ തന്നെയാണ് മുന്നിൽ. ആദ്യ ദിനം മുതൽ ലഭിച്ച സമ്മിശ്ര പ്രതികരണമാണ് ജോർജേട്ടൻസ് പൂരത്തിന് വിനയായത്. അതേ സാഹചര്യം തന്നെയാണ് 1971 ബിയോണ്ട് ബോർഡേർസിനും. ചിത്രത്തിന് സമ്മിശ്ര പ്രതികരണമാണ് പ്രേക്ഷകരിൽ നിന്നും ലഭിച്ച് കൊണ്ടിരിക്കുന്നത്.

കൂടെയുള്ള ചിത്രങ്ങളുടെ പ്രതികൂല സാഹചര്യങ്ങൾ ഗ്രേറ്റ് ഫാദറിനെ തെല്ലും ബാധിച്ചിട്ടില്ലെന്ന് വേണം കരുതാൻ. രണ്ടാം വാരത്തിലേക്ക് കടന്ന ചിത്രം ഇപ്പോഴും മികച്ച കളക്ഷനോടെയാണ് കുതിക്കുന്നത്. ഇന്നലെ ഗ്രേറ്റ്ഫാദറിന് നിരവധി കേന്ദ്രങ്ങളിൽ സ്പെഷ്യൽ ഫാൻസ് ഷോ സംഘടിപ്പിച്ചിരുന്നു. ഇതും കളക്ഷൻ കുത്തനെ ഉയരാൻ കാരണമാകുമെന്നാണ് കരുതുന്നത്.