ജയസൂര്യ നായകനായ പ്രേതം തിയേറ്ററുകളിൽ വൻ വിജയമായി മാറിയിരിക്കുകയാണ്. രഞ്ജിത് ശങ്കർ സംവിധാനം ചെയ്ത മൂന്നാമത്തെ സിനിമയാണ് പ്രേതം. നേരത്തേ ഇറങ്ങിയ രണ്ടു സിനിമകളിലെ വിജയം ആവർത്തിക്കുക എന്ന ലക്ഷ്യമായിരുന്നു ഈ ടീമിനെ വീണ്ടും ഒന്നിപ്പിച്ചത്. മലയാളികളുടെ പ്രേത സങ്കൽപ്പത്തെ മാറ്റി മറിക്കുന്നതായിരുന്നു ഈ പ്രേതം. ഇത് ഹൊറർ ആണോ കോമഡി ആണോ എന്ന് ചിലർക്കെങ്കിലും തോന്നിയിട്ടുണ്ടാകാം.

സിനിമ എത്തിയപ്പോൾ മുതൽ ചോദിക്കുന്ന ചോദ്യമാണ്, പ്രേതത്തിൽ പ്രേതമുണ്ടോ എന്ന്. അതിനുത്തരം ഉണ്ട് എന്ന് തന്നെയാണ്. ചിത്രത്തിലെ ഡിലീറ്റ് ചെയ്ത ഭാഗം നേരത്തേ അണിയറ പ്രവർത്തകർ പുറത്തുവിട്ടിരുന്നു. ഇപ്പോൾ അതിന്റെ രണ്ടാമത്തെ പാർട്ടും പുറത്തുവിട്ടിരിക്കുകയാണ് ടീം.