കഴിഞ്ഞ കുറച്ച് ദിവസങ്ങളായി ബോളിവുഡ് താര സുന്ദരികളായ സ്വര ഭാസ്‌കർ, കരീന കപൂർ, സോനം കപൂർ എന്നിവർ വാർത്തകളിൽ നിറഞ്ഞുനിൽക്കുകയാണ്. ഇവർ ചേർന്ന് അഭിനയിച്ച വീരേ ദി വെഡ്ഡിംഗ് തിയേറ്ററുകൾ കീഴടക്കിയിരിക്കുകയാണ്. നായികാ പ്രാധാന്യമുള്ള ചിത്രമാണിത്.

ചിത്രത്തിൽ സ്വര ഭാസ്‌ക്കറിന്റെ സ്വയംഭോഗ രംഗത്തെക്കുറിച്ചുള്ള വാർത്തയാണ് ഏറ്റവും ഒടുവിലായി വിവാദത്തിന് ഇടയാക്കിയിരുന്നത്. അതിനെതിരെ താരം തന്നെ രംഗത്തെത്തുകയും ചെയ്‌തിരുന്നു. എന്നാൽ ഇപ്പോൾ അതിന് മറുപടിയുമായി താരത്തിന്റെ അമ്മയും എത്തിയിരിക്കുകയാണ്.

"എനിക്ക് എന്റെ മകളെക്കുറിച്ച് അഭിമാനം മാത്രമേ ഉള്ളൂ, ലൈംഗികത പലപ്പോഴും ഇന്ത്യൻ സിനിമയിൽ ചിത്രീകരിച്ചിട്ടില്ല, അത് പലപ്പോഴും വിഷയം പോലുമായിരുന്നില്ല. എന്നാൽ ഇപ്പോൾ ലൈംഗികത എന്ന വിഷയത്തെക്കുറിച്ച് പരാമർശിക്കാൻ ഇന്ത്യൻ സിനിമയ്‌ക്ക് കഴിയുന്നുണ്ട്. അതാണ് ഇന്ത്യൻ സിനിമയെ വേറിട്ട് നിർത്തുന്നതും" - സ്വര ഭാസ്‌ക്കറിന്റെ അമ്മയായ് ഇറ ഭാസ്‌ക്കർ പറഞ്ഞു. ജവഹർലാൽ നെഹ്‌റു യൂണിവേഴ്‌സിറ്റിയിലെ സിനിമാ സ്‌റ്റഡീസ് അദ്ധ്യാപികയാണ് ഇറ.