സുരേഷ് ഗോപി-ബിജു മേനോന്‍ കൂട്ടുകെട്ടില്‍ പുറത്തിറങ്ങിയ ഗരുഡന്‍ സിനിമ കാണാന്‍ ഇപ്പോഴും ആളുകള്‍ തിയേറ്റുകളില്‍ എത്തുന്നു. ദിലീപ് നായകനായി എത്തിയ ബാന്ദ്ര പ്രദര്‍ശനം ആരംഭിച്ചിട്ടും സുരേഷ് ഗോപി ചിത്രത്തിന് കുലുക്കമില്ല. രണ്ടാം ആഴ്ചയിലും ഗരുഡന് മികച്ച പ്രതികരണമാണ് ലഭിച്ചുകൊണ്ടിരിക്കുന്നത്. ഇന്ത്യയില്‍ നിന്ന് മാത്രം സിനിമ 13.25 കോടി രൂപയാണ് നേടിയതെന്നാണ് റിപ്പോര്‍ട്ടുകള്‍.

കേരളത്തില്‍നിന്ന് മാത്രം ഗരുഡന്‍ സിനിമ നേടിയത് 12.25 കോടി രൂപയാണെന്നാണ് വിവരം. കളക്ഷനില്‍ മുന്നേറ്റം ഉണ്ടാക്കാന്‍ ഓരോ ദിവസവും സിനിമയ്ക്ക് ആവുന്നുണ്ടെന്നാണ് കണക്കുകള്‍ നല്‍കുന്ന സൂചന.

അതേസമയം മമ്മൂട്ടിയുടെ കണ്ണൂര്‍ സ്‌ക്വാഡിന്റെ കളക്ഷന്‍ ഒപ്പം സിനിമ എത്തുമോ എന്നതും കണ്ടറിയേണ്ട കാര്യമാണ്. എന്തായാലും സുരേഷ് ഗോപിയുടെ എക്കാലത്തെയും വലിയ ഹിറ്റുകളില്‍ ഒന്നായി ഗരുഡന്‍ മാറിയേക്കും.

നവംബര്‍ മൂന്നിനാണ് സിനിമ പ്രദര്‍ശനത്തിന് എത്തിയത്.സിനിമയ്ക്ക് ആദ്യദിവസം മുതല്‍ ലഭിച്ച മികച്ച പ്രതികരണമാണ് ലഭിച്ചത്.12.25 കോടി കളക്ഷനാണ് 10 ദിവസം കൊണ്ട് സിനിമ നേടിയത്.