സൗബിൻ ഷാഹിർ ആദ്യമായി സംവിധാനം ചെയ്യുന്ന പറവ അന്ന ചിത്രത്തിലേക്ക് അഭിനേതാക്കളെ തേടുന്നു. 13നും 26നും ഇടയിലുള്ള ആൺ-പെൺ പുതുമുഖങ്ങ‌ളെയാണ് സംവിധായകൻ അന്വേഷിക്കുന്നത്. അൻവർ റഷീദിന്റെ നിർമാണത്തിൽ സൗബിനും മുനീർ അലിയു ചേർന്നാണ് ചിത്രത്തിന്റെ കഥ, തിരക്കഥ, സംഭാഷണം തയ്യാറാക്കുന്നത്. ചിത്രത്തിന് പുതുമുഖങ്ങ‌ളെ ആവശ്യമുണ്ടെന്ന് അറിയിച്ച് കൊണ്ട് വളരെ വ്യത്യസ്തമായ രീതിയിൽ വീഡിയോ ആണ് ഫെയ്സ്ബുക്കിലൂടെ പുറത്ത് വിട്ടിരിക്കുന്നത്.

അഭിനയിക്കാൻ താ‌‌ൽപര്യമുള്ളവർ ചിത്രങ്ങ‌ളും വീഡിയോകളും [email protected] എന്ന വിലാസത്തിലേക്ക് അയക്കണമെന്നും വീഡിയോയിൽ പറയുന്നു. ചിത്രത്തിന്റെ ഷൂട്ടിംഗ് ഉടൻ തന്നെ ആരംഭിക്കുമെന്നാണ് റിപ്പോർട്ടുകൾ സൂചിപ്പിക്കുന്നത്. അന്‍വര്‍ റഷീദ് നിര്‍മ്മിക്കുന്ന മൂന്നാമത്തെ ചിത്രമാണ് പറവ. മുന്‍പ് ബാംഗ്ലൂര്‍ ഡെയ്‌സ്, പ്രേമം എന്നീ ചിത്രങ്ങളാണ് അന്‍വര്‍ റഷീദ് എന്റര്‍ടെയ്ന്റ്‌മെന്റിന്റെ ബാനറില്‍ നിര്‍മ്മിച്ചിട്ടുള്ളത്. രണ്ടു ചിത്രങ്ങളും ബോക്‌സ് ഓഫീസ് സൂപ്പര്‍ ഹിറ്റുകളായിരുന്നു.

സിദ്ദിഖിന്റെ ക്രോണിക് ബാച്ചിലറിൽ സഹസംവിധായകനായി സിനിമാ ജീവിതം ആരംഭിച്ച സൗബിൻ ഒരു നടനെന്ന രീതിയിൽ മികച്ച അഭിനയമാണ് കാഴ്ച വെച്ചിരിക്കുന്നത്. പ്രേമം സിനിമയിലൂടെ മലയാളികളുടെ മനസില്‍ കുടിയറിയ സൗബിന്റെ പുറത്തിറങ്ങേണ്ട ചിത്രങ്ങ‌ൾ അനുരാഗ കരിക്കിൻ വെള്ളം, മുദ്ദുഗൗ, കിന്റർ ജോയ് എന്നിവയാണ്.


ഒരു സമ്പൂര്‍ണ വായനാനുഭവത്തിന് മലയാളം വെബ്‌ദുനിയ ആപ്പ് ഇവിടെ ഡൌണ്‍‌ലോഡ് ചെയ്യാം