ആഢംബര കപ്പലിലെ മയക്ക് മരുന്ന് കേസിന് പിന്നാലെ സാമൂഹിക മാധ്യമങ്ങളിൽ നിന്നെല്ലാം ഷാറൂഖ് ഖാൻ്റെ മകനായ ആര്യൻ ഖാൻ അവധിയെടുത്തിരുന്നു. ഇപ്പോഴിതാ നീണ്ട ഇടവേളയ്ക്ക് ശേഷം സമൂഹമാധ്യമങ്ങളിൽ തൻ്റെ ചിത്രങ്ങൾ പങ്കുവെച്ചിരിക്കുകയാണ് ആര്യൻ.

ഇൻസ്റ്റഗ്രാമിലാണ് സഹോദരങ്ങളായ സുഹാന ഖാനും അബ്രാം ഖാനുമൊപ്പമുള്ള ചിത്രങ്ങൾ ആര്യൻ പങ്കുവെച്ചത്. ഹാട്രിക് എന്ന് കുറിച്ചുകൊണ്ടാണ് ആര്യൻ്റെ പോസ്റ്റ്. നിരവധി ആരാധകരാണ് ആര്യൻ്റെ ചിത്രങ്ങൾക്ക് കീഴിൽ കമൻ്റുകളുമായി എത്തിയിരിക്കുന്നത്. ചിത്രത്തിന് കീഴിൽ അച്ഛനായ ഷാറൂഖും കമൻ്റെ ചെയ്തിട്ടുണ്ട്. എന്തുകൊണ്ട് ഈ ഫോട്ടോകൾ എനിക്ക് തന്നില്ല? എനിക്കിപ്പോൾ അയച്ചുതരു എന്നാണ് മക്കളുടെ ചിത്രത്തിന് കീഴിലെ ഷാറൂഖിൻ്റെ കമൻ്റ്.