കെ ആര്‍ അനൂപ്|
Last Modified വെള്ളി, 16 ഫെബ്രുവരി 2024 (12:51 IST)
നടന്‍ അമിതാഭ് ബച്ചന്‍ ഉത്തര്‍പ്രദേശിലെ അയോധ്യയില്‍ സെവന്‍ സ്റ്റാര്‍ എന്‍ക്ലേവില്‍ വസ്തു വാങ്ങിയതായി റിപ്പോര്‍ട്ടുകള്‍.
10000 ചതുര വിസ്തീര്‍ണമുള്ള ഒരു വീട് നിര്‍മ്മിക്കാനായാണ് നടന്‍ ഈ സ്ഥലം വാങ്ങിയിരിക്കുന്നത്. പ്ലോട്ടിന് 14.5 കോടി വില വരും എന്നാണ് റിപ്പോര്‍ട്ടുകള്‍. മുംബൈ ആസ്ഥാനമാക്കിയുള്ള ദി ഹൗസ് ഓഫ് അഭിനന്ദന്‍ ലോധ എന്ന ഡെവലപ്പര്‍മാരില്‍ നിന്നാണ് സ്ഥലം ബച്ചന്‍ വാങ്ങിയത്.
'എന്റെ ഹൃദയത്തില്‍ ഒരു പ്രത്യേക സ്ഥാനം വഹിക്കുന്ന നഗരമാണ് അയോധ്യ. ആ നഗരത്തില്‍ ഈ യാത്ര ആരംഭിക്കാന്‍ ഞാന്‍ ആഗ്രഹിക്കുന്നു. അയോധ്യയുടെ ആത്മാവിലേക്കുള്ള ഒരു ഹൃദയസ്പര്‍ശിയായ യാത്രയുടെ തുടക്കമാണിത്. ആഗോള ആത്മീയ തലസ്ഥാനത്ത് എന്റെ വീട് നിര്‍മ്മിക്കാന്‍ ഞാന്‍ കാത്തിരിക്കുകയാണ്' ,-അമിതാഭ് ബച്ചന്‍ കുറിച്ചു.
അയോധ്യയിലെ രാമക്ഷേത്രത്തില്‍ നിന്ന് 15 മിനിറ്റ് ദൂരമാണ് അവിടേയ്ക്ക് ഉള്ളത്.എയര്‍പോര്‍ട്ടില്‍ നിന്ന് അറ് മണിക്കൂര്‍ ദൂരവുമാണ് ഈ വസ്തുവിലേക്കുള്ളത്. ജനുവരി 22-നാണ് ഔദ്യോഗികമായ ലോഞ്ച് നടക്കും.2028 മാര്‍ച്ചോടെ പ്രോജക്ട് പൂര്‍ത്തിയാക്കുമെന്നാണ് പറയുന്നത്.
