കഴിഞ്ഞ വർഷം ഇറങ്ങിയ ചിത്രങ്ങളിൽ പ്രേക്ഷക , നിരൂപക പ്രശംസകൾ വാനോളം ലഭിച്ച സിനിമയായിരുന്നു സുഡാനി ഫ്രം നൈജീരിയ. ഏതായാലും പ്രേക്ഷകരുടെ ഇഷ്ടത്തിനു തന്നെയാണ് ഇത്തവണയും സംസ്ഥാന സർക്കാർ മുൻ‌തൂക്കം നൽകിയത്. 49ആമത് സംസ്ഥാന ചലച്ചിത്ര അവാർഡിൽ അഞ്ച് അവാർഡുകൾ ആണ് സുഡാനി ആൻഡ് ടീം സ്വന്തമാക്കിയത്.

കലാമൂല്യമുള്ള സിനിമ - സുഡാനി ഫ്രം നൈജീരിയ്അ, മികച്ച തിരക്കഥ - സകറിയ്യ, മുഹ്സിന്‍ പരാരി, മികച്ച നടന്‍ - സൗബിന്‍ ഷാഹിര്‍ (സുഡാനി ഫ്രം നൈജീരിയ), മികച്ച സ്വഭാവ നടി - സരസ ബാലുശ്ശേരി, സാവിത്രി ശ്രീദ്ധരന്‍, നവാഗത സംവിധായകന്‍ - സകറിയ്യ മുഹമ്മദ്. ചുരുക്കി പറഞ്ഞാൽ സുഡാനി ടീമിന്റെ വിളയാട്ടം തന്നെയായിരുന്നു.

പ്രമുഖ സംവിധായകന്‍ കുമാര്‍ സാഹ്നിയാണ് ഇത്തവണത്തെ ജൂറി ചെയര്‍മാന്‍. സംവിധായകരായ ഷെറി ഗോവിന്ദന്‍, ജോര്‍ജ് കിത്തു, ഛായാഗ്രാഹകന്‍ കെ.ജി ജയന്‍, നിരൂപകരായ വിജയകൃഷ്ണന്‍, എഡിറ്റര്‍ ബിജു സുകുമാരന്‍, സംഗീത സംവിധായകന്‍ പി.ജെ ഇഗ്‌നേഷ്യസ്, നടി നവ്യാ നായര്‍, മോഹന്‍ദാസ് എന്നിവരും ജൂറി അംഗങ്ങളാണ്.