Last Updated:
ചൊവ്വ, 20 ജനുവരി 2015 (13:03 IST)
100 കോടി ക്ലബില്‍ വിക്രമിന്‍റെ ആദ്യ കാല്‍‌വയ്പ്പ്. ഷങ്കര്‍ സംവിധാനം ചെയ്ത 'ഐ'യുടെ ബോക്സോഫീസ് കളക്ഷന്‍ 100 കോടി കടന്നു. ഇന്ത്യയില്‍ നിന്നുമാത്രം തമിഴ്, തെലുങ്ക്, ഹിന്ദി പതിപ്പുകള്‍ക്കെല്ലാം ചേര്‍ന്നാണ് ഈ നേട്ടം.
അഞ്ചുദിവസങ്ങള്‍ക്കുള്ളിലാണ്
ഐ 100 കോടിയും കടന്ന് കുതിക്കുന്നത്.
തമിഴ്നാട്ടില്‍ നിന്നുമാത്രം 40 കോടി രൂപയാണ് കളക്ഷന്‍ വന്നത്. കേരളത്തില്‍ കളക്ഷന്‍ 10.7 കോടിയാണ്. കേരളത്തില്‍ ആദ്യമായാണ് ഒരു അന്യഭാഷാചിത്രം ഇത്രയും വലിയ കളക്ഷന്‍ നേടുന്നത്.
ആന്ധ്രയില്‍ 30 കോടി കളക്ഷന്‍ വന്നപ്പോള്‍ കര്‍ണാടകയിലും 10 കോടി ലഭിച്ചു. ഹിന്ദി പതിപ്പ് ഇന്ത്യയുടെ മറ്റ് ഭാഗങ്ങളില്‍ നിന്ന് ഇതുവരെ 10 കോടിക്കുമേല്‍ സമ്പാദിച്ചു.
ഷങ്കര്‍ 100 കോടി ക്ലബില്‍ ഇതാദ്യമല്ല. ശിവാജിയും യന്തിരനും 100 കോടി ക്ലബില്‍ ഇടം‌പിടിച്ചവയാണ്.
