തന്റെ മകള്‍ക്കൊപ്പം ജീവിക്കുന്ന ഓരോ നിമിഷവും ആസ്വദിക്കുന്നുവെന്ന് ബോളിവുഡ് താരം സണ്ണി ലിയോണ്‍. ഇപ്പോള്‍ കാര്യങ്ങള്‍ എല്ലാം അവളുടെ സമയം നോക്കിയാണ് താന്‍ തീരുമാനിക്കുന്നതെന്നും ഡാനിയേലും ഞാനും അവളുടെ കാര്യങ്ങള്‍ക്ക് തന്നെയാണ് പ്രധാന്യം നല്‍കുന്നതെന്നും സണ്ണി പറഞ്ഞു.

സിനിമയുടെയും മോഡലിങ്ങിന്റെയും തിരക്കിലാണെങ്കിലും ഒരല്‍പം നേരം കിട്ടിയാല്‍ മകള്‍ നിഷയുടെ അടുത്തേക്ക് ഓടിവരും. മകളുമായി ചിലവഴിക്കാന്‍ കഴിയുന്ന ഒരു സമയവും പാഴാക്കാറില്ല. ഞാനും ഡാനിയേലോ ആരെങ്കിലുമൊരാള്‍ എല്ലായ്‌പ്പോഴും അവള്‍ക്കൊപ്പമുണ്ടാകുമെന്നും സണ്ണി പറഞ്ഞു.

അവളെ കിട്ടിയത് വലിയ ഭാഗ്യമായി കരുതുന്നു. ഞാനും ഭര്‍ത്താവ് ഡാനിയേല്‍ ഇപ്പോള്‍ മാതാപിതാക്കളുടെ ഉത്തരവാദിത്തത്തെക്കുറിച്ച് മനസ്സിലാക്കി തുടങ്ങി. അവളെ കുളിപ്പിക്കുന്നതും അവളുടെ നാപ്കിന്‍ മാറ്റുന്നതും ഭക്ഷണം കൊടുക്കുന്നതുമെല്ലാം ഞങ്ങള്‍ ഒരുപാട് ആസ്വദിക്കുന്നുവെന്നും സണ്ണി പറഞ്ഞു.

സ്വര്‍ഗത്തില്‍ ജീവിക്കുന്ന അനുഭവമാണെനിക്ക്. ഞാന്‍ ഇല്ലാത്ത സമയത്ത് അവളുടെ കാര്യങ്ങളെല്ലാം ശ്രദ്ധിക്കുന്നത് ഡാനിയേല്‍ ആണെ സണ്ണി പറഞ്ഞു. ടൈംസ് ഓഫ് ഇന്ത്യയ്ക്ക് നല്‍കിയ അഭിമുഖത്തിലാണ് സണ്ണി തന്റെ മകള്‍ നിഷയെക്കുറിച്ച് പറഞ്ഞത്.