കെ.ടി. നാടകങ്ങള്‍-ജീവിതത്തിന്‍റെ പിടയ്ക്കുന്ന കഷണങ്ങള്‍

പ്രിയ എസ്

സംഭാഷണങ്ങളിലെ സൂക്ഷ്മതയും കുപ്പിച്ചില്ലിന്‍റെ മൂര്‍ച്ചയും പ്രേക്ഷകര്‍ അനുഭവിച്ചറിഞ്ഞു. പണ്ഡിതരായ നാടകകൃത്തുക്കള്‍, നാടകാചാര്യന്‍‌മാര്‍ നമുക്കുണ്ടായിട്ടുണ്ട്. എന്നാല്‍ പാമരനായ നാടകകൃത്തുക്കള്‍ കുറവായിരുന്നു.

വിദ്യാഭ്യാസം പോലും പൂര്‍ത്തിയാക്കാന്‍ കഴിയാകാതിരുന്ന കൂലിപ്പണിയെടുത്ത് ജീവിതം തുടങ്ങിയ കെ.ടി പണ്ഡിതരായ നാടകാചാര്യന്‍‌മാരേക്കാള്‍ ഉന്നത ശ്രേണിയിലേക്ക് എത്തിയത് ജീവിതാനുഭവങ്ങള്‍ പകര്‍ന്ന കരുത്തിലൂടെ ആയിരുന്നു.
സ്വാതന്ത്ര്യാനന്തരം പാകിസ്ഥാനിലേക്ക് നാടുകടത്താന്‍ സര്‍ക്കാര്‍ നല്‍കിയ ഉത്തരവിനെ മറികടന്ന് സ്വന്തം മണ്ണില്‍ ഉറച്ചുനിന്ന ധീരനായ പോരാളിയായിരുന്നു കെ.ടി.

സ്വന്തം സമുദായത്തെ പരിഷ്കരിക്കാനുള്ള അഭിവാഞ്ഛയായിരുന്നു അദ്ദേഹത്തിന്‍റേത്. പാവപ്പെട്ടവരുടെ മോചനവും വിപ്ലവാഭിമുഖ്യവും ആണ് എഴുത്തുകാരന്‍, സംവിധായകന്‍ എന്നീ നിലകളില്‍ കെ.ടി ഉയര്‍ത്തിപ്പിടിച്ചതെന്ന് മുഖ്യമന്ത്രി അച്യുതാനന്ദന്‍ അനുസ്മരിച്ചു.

കെ.ടിയുടെ സംവിധാന ചാതുര്യം മുഴുവന്‍ പ്രകടമായത് സൃഷ്ടി എന്ന നാടകത്തിലൂടെയായിരുന്നു എന്ന് അദ്ദേഹത്തോടൊപ്പം കാളിദാസ കലാകേന്ദ്രത്തില്‍ ഒരുമിച്ച് പ്രവര്‍ത്തിച്ചിരുന്ന പ്രമുഖ നടന്‍ തിലകന്‍ അഭിപ്രായപ്പെട്ടു. കെ.ടിയുടെ കറവറ്റ പശു എന്ന നാടകത്തിലാണ് തിലകന്‍ ആദ്യം അഭിനയിച്ചത്.

വളരെ എളിമയോടെ ഏത് സദസ്സിലും പ്രത്യക്ഷപ്പെടുകയും കൃതികളില്‍ പക്ഷെ ധീരമായ നിലപാടുകള്‍ സ്വീകരിക്കുകയും ചെയ്ത വ്യക്തിയാണ് കെ.ടി മുഹമ്മദ് എന്ന് എം.ടി.വാസുദേവന്‍ നായര്‍ പറഞ്ഞു.

WEBDUNIA|

ഉന്നത സമുദായങ്ങള്‍ ജനങ്ങളോട് കാണിക്കുന്ന അനീതികളെ കെ.ടി നാടകങ്ങളിലൂടെ വിമര്‍ശിച്ചു.1949 ല്‍ എഴുതിയ ഊരും പേരുമായിരുന്നു അദ്ദേഹത്തിന്‍റെ ആദ്യത്തെ സൃഷ്ടി. ഇതിനു ശേഷം നാല്‍പ്പതിലേറെ നാടകങ്ങള്‍ അദ്ദേഹം എഴുതി. കറവറ്റ പശു എന്ന നാടകത്തിന് മലബാര്‍ കേന്ദ്ര സമിതി അവാര്‍ഡ് ലഭിച്ചതോടെ കെ.ടി നാടക രംഗത്ത് സ്വന്തം മേല്‍‌വിലാസം ഉണ്ടാക്കിയെടുത്തു.

അനുബന്ധ വാര്‍ത്തകള്‍

ഇതിനെക്കുറിച്ച് കൂടുതല്‍ വായിക്കുക :

കെ.ടി. നാടകങ്ങള്‍ ജീവിതത്തിന്‍റെ പിടയ്ക്കുന്ന കഷണം