കണ്ണൂർ: യുവതിയെ തട്ടിക്കൊണ്ടുപോയി പീഡിപ്പിച്ച കേസില്‍ മുഖ്യപ്രതിയെ പൊലീസ് അറസ്റ്റ് ചെയ്തു. നെല്ലിപ്പാറ കപ്പണയില്‍ ബിജോയ് ജോസഫിനെയാണ് തളിപ്പറമ്പ് പൊലീസ് അറസ്റ്റ് ചെയ്തതു. ഒളിവിൽ കഴിയുന്നതിനിടെയാണ് പ്രതിയെ പൊലീസ് പിടികൂടുയത്. കോടതി റിമാന്‍ഡ് ചെയ്ത ബിജോയ് ജോസഫിനെ കണ്ണൂര്‍ തോട്ടട കോവിഡ് സെന്ററിലേക്ക് മാറ്റി. കേസിലെ രണ്ടാംപ്രതിയായ പ്രകാശ് കുര്യന്‍ നേരത്തെ അറസ്റ്റിലായിരുന്നു.

കഴിഞ്ഞമാസം 25 നാണ് സംഭവം നടന്നത്. കാര്‍ത്തികപുരത്തെ ഭര്‍തൃവീട്ടില്‍ താമസിക്കുന്ന യുവതിയുമായി പ്രതികൾ ഫോണിലൂടെ സൗഹൃദമുണ്ടാക്കിയീരുന്നു. വീട്ടില്‍ നിന്നും പുറത്തേക്കു പോയ യുവതിയെ പ്രതികള്‍ കാറില്‍ പിന്തുടർന്ന് തട്ടിക്കൊണ്ടുപോയി നെല്ലിപ്പാറയിലെ ആളൊഴിഞ്ഞ വീട്ടിലെത്തിച്ച്‌ പീഡനത്തിന് ഇരയാക്കിയെന്നാണ് പരാതി. വൈകീട്ടോടെ പ്രതികള്‍ യുവതിയെ വിട്ടയക്കുകയായിരുന്നു.