അനുബന്ധ വാര്ത്തകള്
- ഒരു ഓഫ്സ്പിന്നറില്ല, മധ്യനിരയിൽ ഫോം തെളിയിക്കാത്ത ബാറ്റർമാർ, സൂര്യകുമാർ എന്ന ലോട്ടറി അടിക്കുമോ? ഇന്ത്യയുടെ ലോകകപ്പ് സാധ്യത എത്രമാത്രം?
- വയസ്സ് വെറും 30 മാത്രം, ഏകദിന ക്രിക്കറ്റില് നിന്നും അപ്രതീക്ഷിത വിരമിക്കല് പ്രഖ്യാപിച്ച് ക്വിന്റണ് ഡികോക്ക്
- സ്റ്റമ്പ്സും ബ്രെവിസും പുറത്ത്, പക്ഷേ ഡികോക്ക് മുതൽ മില്ലർ വരെയുള്ള ടീം അപകടകാരികൾ, ലോകകപ്പിനുള്ള ദക്ഷിണാഫ്രിക്കൻ ടീം ഇങ്ങനെ
- പുറത്തെ ബഹളങ്ങൾ കാര്യമാക്കാറില്ല, ലോകകപ്പ് ടീമിലുള്ളത് നിലവിൽ ലഭ്യമായവരിൽ ഏറ്റവും മികച്ചവർ: രോഹിത് ശർമ
- ലോകകപ്പിനിറങ്ങുമ്പോൾ കളിക്കാരുടെ നെഞ്ചിൽ ഭാരതമെന്ന് ഉണ്ടാകണം, ഇന്ത്യയുടെ പേരുമാറ്റത്തെ അനുകൂലിച്ച് സെവാഗ്
Asia Cup 2023: വല്ലാത്തൊരു നിര്ഭാഗ്യം ! ശ്രീലങ്കയോട് രണ്ട് റണ്സിന് തോറ്റ് അഫ്ഗാനിസ്ഥാന് പുറത്ത്
Asia Cup 2023: ഏഷ്യാ കപ്പ് സൂപ്പര് ഫോര് കാണാതെ അഫ്ഗാനിസ്ഥാന് പുറത്ത്. നിര്ണായക മത്സരത്തില് ശ്രീലങ്കയോട് രണ്ട് റണ്സിന് തോല്വി വഴങ്ങിയതാണ് അഫ്ഗാനിസ്ഥാന് വിനയായത്. ആദ്യം ബാറ്റ് ചെയ്ത ശ്രീലങ്ക നിശ്ചിത 50 ഓവറില് എട്ട് വിക്കറ്റ് നഷ്ടത്തില് 291 റണ്സ് നേടിയപ്പോള് അഫ്ഗാനിസ്ഥാന് 37.4 ഓവറില് 289 റണ്സിന് ഓള്ഔട്ടായി.
ശ്രീലങ്കയുടെ സ്കോര് 37.1 ഓവറില് മറികടന്നിരുന്നെങ്കില് അഫ്ഗാനിസ്ഥാന് സൂപ്പര് ഫോറിലേക്ക് പ്രവേശിക്കാമായിരുന്നു. അതിനു വേണ്ടി തന്നെയാണ് അഫ്ഗാനിസ്ഥാന് കളിച്ചതും. എന്നാല് തകര്ത്തടിക്കുന്നതിനിടെ തുടരെ വിക്കറ്റുകള് നഷ്ടമായത് അഫ്ഗാന് തിരിച്ചടിയായി. 37.1 ഓവര് ആയ സമയത്ത് അഫ്ഗാന് 289-9 എന്ന നിലയിലായിരുന്നു. 37.1 ഓവറില് ജയിക്കണം എന്നായിരുന്നെങ്കിലും അതിനു ശേഷവും അഫ്ഗാനിസ്ഥാന് സാധ്യതയുണ്ടായിരുന്നു. അതായത് 37.4 ഓവര് ആകുമ്പോഴേക്കും 289 ല് നിന്ന് ഒരു സിക്സ് അടിച്ച് കളി ജയിപ്പിക്കുകയായിരുന്നു ആ സാധ്യത. എന്നാല് പിന്നീടുള്ള രണ്ട് ബോളുകള് ഫസല്ഹഖ് ഫറൂഖി ക്രീസില് പ്രതിരോധിച്ചിട്ടു. ഒരു സിംഗിളിന് പോലും ശ്രമിച്ചില്ല. അതില് ഫുള്ടോസ് ബോള് അടക്കം ഉണ്ടായിരുന്നു. ഒടുവില് 38-ാം ഓവറിലെ നാലാം പന്തില് ഫറൂഖി ലെഗ് ബൈ വിക്കറ്റിലൂടെ പുറത്താകുകയും ചെയ്തു.
മുഹമ്മദ് നബി (32 പന്തില് 65), ഹഷ്മത്തുള്ള ഷഹീദി (66 പന്തില് 59), റഹ്മത്ത് ഷാ (40 പന്തില് 45), റാഷിദ് ഖാന് (16 പന്തില് പുറത്താകാതെ 27), നജിബുഷ്ഷ സാദ്രന് (15 പന്തില് 23), കരീം ജാനത് (13 പന്തില് 22) എന്നിവരുടെ പ്രകടനങ്ങളാണ് അഫ്ഗാനിസ്ഥാനെ വിജയത്തിന്റെ തൊട്ടരികില് എത്തിച്ചത്.
അതേസമയം ഗ്രൂപ്പ് ബിയില് നിന്ന് ശ്രീലങ്കയും ബംഗ്ലാദേശും സൂപ്പര് ഫോറിലേക്ക് പ്രവേശിച്ചു. ഗ്രൂപ്പ് എയില് നിന്ന് ഇന്ത്യയും പാക്കിസ്ഥാനുമാണ് സൂപ്പര് ഫോര് കളിക്കുക.
