അനുബന്ധ വാര്ത്തകള്
- സഞ്ജുവിന്റെ രാജസ്ഥാന് കരകയറുമോ? കോലിയുടെ ആര്സിബി എവിടെ?; ഐപിഎല് പോയിന്റ് പട്ടിക ഇതാ
- ഐപിഎല് പൂരം നാളെ മുതല്; ആദ്യ മത്സരം ചെന്നൈ സൂപ്പര് കിങ്സും മുംബൈ ഇന്ത്യന്സും തമ്മില്, അറിയേണ്ടതെല്ലാം
- ധോണിക്ക് ശേഷം ചെന്നൈ സൂപ്പര് കിങ്സ് നായകനാകുക രവീന്ദ്ര ജഡേജ
- ചെന്നൈ സൂപ്പര് കിങ്സ് ആരാധകര്ക്ക് സന്തോഷ വാര്ത്ത; സൂപ്പര്താരം കളിക്കും
- ചെന്നൈ സൂപ്പർ കിങ്സ് ഇല്ലെങ്കിൽ എവിടെ കളിക്കും? മറുപടി നൽകി റെയ്ന
ചെന്നൈ സൂപ്പര് കിങ്സിന് തലവേദനയായി സുരേഷ് റെയ്ന; പുറത്തേക്ക്
ചെന്നൈ സൂപ്പര് കിങ്സിന് തലവേദനയായി സുരേഷ് റെയ്നയുടെ ഫോംഔട്ട്. ഇന്നലെ മുംബൈ ഇന്ത്യന്സിനെതിരായ മത്സരത്തിലും നിറംമങ്ങുന്ന പ്രകടനമാണ് സുരേഷ് റെയ്ന നടത്തിയത്. തുടര്ച്ചയായി മോശം ഇന്നിങ്സുകള് മാത്രമാണ് റെയ്നയില് നിന്ന് ചെന്നൈ സൂപ്പര് കിങ്സിന് ലഭിക്കുന്ന സംഭാവന. അടുത്ത രണ്ട് മത്സരങ്ങളില് കൂടി നിറംമങ്ങിയാല് റെയ്ന പ്ലേയിങ് ഇലവനില് ഉണ്ടാകില്ലെന്നാണ് സി.എസ്.കെയുമായി അടുത്ത വൃത്തങ്ങള് റിപ്പോര്ട്ട് ചെയ്യുന്നത്. ഈ സീസണ് ശേഷം ഐപിഎല്ലില് തുടരാന് റെയ്ന ആഗ്രഹിക്കുന്നില്ലെന്നും റിപ്പോര്ട്ടില് ചൂണ്ടിക്കാട്ടുന്നു.
2019 ഐപിഎല് സീസണില് 121.97 സ്ട്രൈക് റേറ്റും 23.93 ശരാശരിയുമായി വെറും 383 റണ്സ് മാത്രമാണ് സുരേഷ് റെയ്നയുടെ സംഭാവന. ഈ സീസണിലും ഫോംഔട്ട് ആവര്ത്തിക്കുകയാണ്. എട്ട് കളികളില് നിന്ന് 21.16 ശരാശരിയില് വെറും 127 റണ്സ് മാത്രമാണ് റെയ്ന ഇതുവരെ നേടിയിരിക്കുന്നത്. ബാറ്റിങ്ങില് റെയ്ന പ്രതീക്ഷയ്ക്കൊത്ത് ഉയരാത്തത് ചെന്നൈ സൂപ്പര് കിങ്സിന് തിരിച്ചടിയാകുന്നു.
