അനുബന്ധ വാര്ത്തകള്
- സെലിബ്രിറ്റി ക്രിക്കറ്റ് ലീഗും അമ്മയും തമ്മില് ഉടക്ക്; മോഹന്ലാല് നോണ് പ്ലേയിങ് ക്യാപ്റ്റന് സ്ഥാനം ഒഴിഞ്ഞു, തന്റെ ചിത്രങ്ങള് ഉപയോഗിക്കരുതെന്നും താരം !
- ഒന്ന് പൊരുതാൻ പോലും കഴിയാതെ തോൽക്കുന്നത് നാണക്കേട്, ഓസീസിലെ ആരാധകർ അസ്വസ്ഥരും കോപത്തിലുമാണ്
- ലോക ടെസ്റ്റ് ചാമ്പ്യൻഷിപ്പിലും ചാമ്പ്യൻസ് ട്രോഫിയിലും ഫൈനലിലെത്തി, ആളുകൾ എന്നെ കാണുന്നത് പരാജയപ്പെട്ട ക്യാപ്റ്റനെന്ന രീതിയിൽ: കോലി
- മറ്റാരും ഒന്നും പറഞ്ഞില്ല, ടെസ്റ്റ് ക്യാപ്റ്റൻസി ഒഴിഞ്ഞപ്പോൾ ധോനി മാത്രമാണ് സന്ദേശമയച്ചത്: തുറന്ന് പറഞ്ഞ് വിരാട് കോലി
- സ്വയം നിയന്ത്രിക്കാനായില്ല, തോൽവിയിൽ അത്രയും നിരാശയുണ്ട്: ഹർമൻ പ്രീത്
സഞ്ജുവിന് ടീമിലെത്താൻ വഴിവെയ്ക്കുക ഐപിഎൽ മാത്രം, ടീമിലെ സ്ഥാനത്തിന് പുതിയ വെല്ലുവിളികളും
മലയാളി താരം സഞ്ജു സാംസൺ ഇനിയും ഇന്ത്യൻ ടീമിൽ കളിക്കുന്നതിനുള്ള സാധ്യതകൾ കുറയുന്നു.വരും വർഷങ്ങളിൽ ആഭ്യന്തര ക്രിക്കറ്റിൽ മികച്ച പ്രകടനം നടത്തിയാൽ പോലും ദേശീയ ടീമിൽ ഇടം നേടുക എന്നത് സഞ്ജുവിന് കടുത്ത വെല്ലുവിളിയാകുമെന്നാണ് സൂചന. സഞ്ജു സാംസണെ ഇന്ത്യൻ ടീമിലെത്തുന്നതിൽ സെലക്ടർമാർക്ക് താത്പര്യമില്ലെന്ന വാർത്ത മുൻ ചീഫ് സെലക്ടർ ചേതൻ ശർമയുടെ വാക്കുകളിൽ നിന്ന് തന്നെ വ്യക്തമായിരുന്നു.
ഐപിഎൽ പ്രകടനങ്ങളാണ് സഞ്ജുവിന് വലിയ ആരാധക പിന്തുണ ലഭിക്കാൻ കാരണം. സഞ്ജുവിന് അവസരം നൽകുന്നില്ലെങ്കിൽ ആരാധകരിൽ നിന്നും കടുത്ത വിമർശനം നേരിടേണ്ടി വരുമെന്നതിനാലാണ് സഞ്ജു ഇന്ത്യൻ ടീമിൽ ഇടം നേടിയിരുന്നത്. വീണ്ടും ടീമിലെത്താൻ ഐപിഎല്ലിലെ മികച്ച പ്രകടനങ്ങൾ മാത്രമാകും സഞ്ജുവിനെ സഹായിക്കുക.
ബാറ്ററെന്ന നിലയിൽ സഞ്ജു സാംസണിനെ ടീം പരിഗണിക്കില്ലെന്ന സൂചനയാണ് ടീം നൽകുന്നത്. വിക്കറ്റ് കീപ്പർ ബാറ്റർ എന്ന നിലയിൽ ഇഷാൻ കിഷൻ,റിഷഭ് പന്ത് എന്നിവർക്ക് പുറമെ കെ എൽ രാഹുൽ,ജിതേഷ് ശർമ, കെ എസ് ഭരത് എന്നിവരും സഞ്ജുവിന് വെല്ലുവിളിയാകും. ഇവരെയെല്ലാം മറികടക്കാൻ സാധിക്കാത്ത പക്ഷം സഞ്ജുവിൻ്റെ ദേശീയ ടീമിലേക്കുള്ള മടങ്ങിവരവ് സ്വപ്നം മാത്രമായി മാറും. ഐപിഎൽ ലെജൻഡ് എന്ന സ്ഥാനത്തിലായിരിക്കും മലയാളി ക്രിക്കറ്റ് താരത്തിൻ്റെ കരിയർ ഇങ്ങനെയെങ്കിൽ അവസാനിക്കുക.
