അനുബന്ധ വാര്ത്തകള്
- ഇരട്ടസെഞ്ചുറി, 3 ശതകം: ജനുവരിയിലെ മികച്ച താരത്തിനുള്ള ഐസിസി പുരസ്കാരം ശുഭ്മാൻ ഗില്ലിന്
- വയനാട്ടിലെ ആദിവാസി വിഭാഗത്തിൽ നിന്നും ഇന്ത്യൻ ക്രിക്കറ്റിൻ്റെ ഗ്ലാമർ വേദിയിൽ മിന്നുമണി: കേരളത്തിൻ്റെ അഭിമാനം
- വിലയേറിയ താരമായി സ്മൃതി മന്ദാന, വിദേശ താരങ്ങളിൽ ആഷ്ലി ഗാർഡ്നറും നതാലി സിവറും: വനിതാ ഐപിഎല്ലിലെ മിന്നും താരങ്ങളെ പരിചയപ്പെടാം
- സ്മൃതി മന്ദാനയ്ക്ക് കിട്ടുന്നതിൻ്റെ പകുതി പോലും കിംഗ് ബാബറിനില്ല, പാക് ലീഗിലെ താരങ്ങളുടെ പ്രതിഫലം ഇങ്ങനെ
- മുന് ഭാര്യക്കൊപ്പമുള്ള കിടപ്പറ ദൃശ്യങ്ങള് പുറത്തുവിട്ടത് ജയസൂര്യ തന്നെ; വിവാദങ്ങളില് നിറഞ്ഞുനിന്ന നായകന് !
ട്വന്റി 20 പോലെയല്ല ടെസ്റ്റ് ക്രിക്കറ്റ് കളിക്കുക; സൂര്യകുമാര് യാദവിന് ഉപദേശം
ഇന്ത്യന് ബാറ്റര് സൂര്യകുമാര് യാദവിന് ഉപദേശവുമായി പാക്കിസ്ഥാന് മുന്താരം സല്മാന് ബട്ട്. ട്വന്റി 20 കളിക്കുന്നത് പോലെയല്ല ടെസ്റ്റ് ക്രിക്കറ്റ് കളിക്കുകയെന്നും ടെസ്റ്റില് കൂടുതല് സമയം ക്രീസില് നില്ക്കാന് സൂര്യകുമാര് ശ്രദ്ധിക്കണമെന്നും സല്മാന് ബട്ട് പറഞ്ഞു. തന്റെ യുട്യൂബ് ചാനലില് സംസാരിക്കുകയായിരുന്നു ബട്ട്.
' ടെസ്റ്റ് ക്രിക്കറ്റില് ഒറ്റ സെഷന് കൊണ്ട് കളിയുടെ ഗതി മാറ്റിയ എത്ര ബാറ്റര്മാരുണ്ട്? ഒരു സ്പെല്ലില് മൂന്നോ നാലോ വിക്കറ്റുകള് വീഴ്ത്തി ഒരു ബൗളര്ക്ക് അങ്ങനെ ഗതി മാറ്റാന് സാധിച്ചേക്കും. എന്നാല് ഒരു ബാറ്റര്ക്ക് കൂടുതല് സമയം വേണം. ഒരു സെഷനില് മാജിക്ക് കാണിക്കുന്നത് വളരെ അപൂര്വ്വമായി മാത്രമേ ബാറ്റര്മാര് ചെയ്യാറുള്ളൂ. ഏകദിനത്തില് നിന്നും ട്വന്റി 20 യില് നിന്നും വളരെ വ്യത്യസ്തമാണ് ടെസ്റ്റ് ക്രിക്കറ്റ്,'
' സൂര്യകുമാര് യാദവ് വളരെ മികച്ച ബാറ്ററാണ്. ക്രീസില് അധിക സമയം നില്ക്കേണ്ടിയിരിക്കുന്നു. ട്വന്റി 20 പോലെ ടെസ്റ്റ് ക്രിക്കറ്റ് കളിക്കേണ്ട ആവശ്യമില്ല,' സല്മാന് ബട്ട് കൂട്ടിച്ചേര്ത്തു.
