അനുബന്ധ വാര്ത്തകള്
- സംസ്ഥാനത്ത് ഇന്ന് 18,582 പേർക്ക് കൊവിഡ്, ടെസ്റ്റ് പോസിറ്റിവിറ്റി നിരക്ക് വീണ്ടും 15ന് മുകളിൽ
- ജോ റൂട്ടിന്റേത് പോലൊരു പ്രകടനം കോലി നടത്തേണ്ടതുണ്ട്: ലോർഡ്സ് ടെസ്റ്റിലെ ഇന്ത്യൻ സാധ്യതകളെ പറ്റി ആകാശ് ചോപ്ര
- സംസ്ഥാനത്ത് ഇന്ന് 19,451 പേര്ക്ക് കോവിഡ്; ടെസ്റ്റ് പോസിറ്റിവിറ്റി നിരക്ക് 13.97; മരണം 105
- സംസ്ഥാനത്ത് ഇന്ന് 20,452 പേർക്ക് കൊവിഡ്, 114 മരണം,ടെസ്റ്റ് പോസിറ്റിവിറ്റി നിരക്ക് 14.35
- റെക്കോഡ് നേട്ടം കുറിച്ച് സൂചികകൾ, സെൻസെക്സ് 55,430നും നിഫ്റ്റി 16,520നും മുകളിൽ ക്ലോസ്ചെയ്തു
ലോർഡ്സിൽ ചരിത്രം തിരുത്തി രഹാനെ-പൂജാര കൂട്ടുക്കെട്ട്, തകർന്നത് 62 വർഷം പഴക്കമുള്ള റെക്കോഡ്
ലോർഡ്സിൽ ചരിത്രം സൃഷ്ടിച്ച് അജിങ്ക്യ രഹാനെ-ചേതേശ്വർ പൂജാര കൂട്ടുക്കെട്ട്. ലോര്ഡ്സ് ക്രിക്കറ്റ് ഗ്രൗണ്ടില് ഇന്ത്യയുടെ ഏറ്റവും മികച്ച നാലാം വിക്കറ്റ് കൂട്ടുകെട്ടാണ് രണ്ടുപേരും ചേർന്ന് പടുത്തുയർത്തിയത്. ഇരുവരും 100 റൺസിന്റെ കൂട്ടുക്കെട്ടാണ് സൃഷ്ടിച്ചത്. 1959ല് ജയസിംഗ്റാവു ഘോര്പടെ- നരി കോണ്ട്രാക്റ്റര് എന്നിവര് സ്ഥാപിച്ച 83 റൺസിന്റെ കൂട്ടുക്കെട്ടാണ് ഇരുവരും ചേർന്ന് തകർത്തത്.
ഇതോടെ മുഹമ്മദ് അസറുദ്ദീന്- ദിലീപ് വെങ്സര്ക്കാര് സഖ്യം മൂന്നാം സ്ഥാനത്തായി.1986ല് ഇരുവരും 71 റണ്സ് കൂട്ടിച്ചേര്ത്തിരുന്നു. മുൻ ഇന്ത്യൻ നായകൻ സൗരവ് ഗാംഗുലി-ദിനേശ് കാർത്തിക് സഖ്യമാണ് നാലാമത്. 2007ല് ഇരുവരും 59 റണ്സാണ് നേടിയത്. രണ്ടാം ടെസ്റ്റില് രഹാനെ- പൂജാര സഖ്യത്തിന്റെ കൂട്ടുകെട്ടാണ് ഇന്ത്യയെ തകര്ച്ചയില് നിന്ന് രക്ഷിച്ചത്. രഹാനെ 61ഉം പൂജാര 45 റണ്സും നേടി പുറത്തായി. ലോര്ഡ്സില് ഒരുദിവസം ശേഷിക്കെ ഇന്ത്യ 6 വിക്കറ്റിന് 181 എന്ന നിലയിലാണ്. 154 റൺസിന്റെ ലീഡാണ് ടീമിനുള്ളത്.
